وزیر ءِ مملکت بلال اظہر کیانی ءَ برطانیہ ءِ ہائی کمشنر جین میریٹ ءَ گوں گند ءُ نند کتگ، اقتصادی دیمروئی ءَ دو نیمگی سیادی ءُ کمک ءِ بابت ءَ گپ ءُ تران

اسلام آباد۔17اکتوبر  (اے پی پی): وزارت ءِ ھزانگ ءَ برطانیہ ءِ ہائی کمشنر جین میریٹ ءَ گوں سینئر گورنمنٹ ایڈوائزر میٹ کلینسی ءَ پاکستان ءِ واستہ وزیر ءِ مملکت بلال اظہر کیانی ءَ گوں گند ءُ نند کت۔ گند ءُ نند ءَ پاکستان ءِ میکرو اکنامک دیمروئی ءَ ھوار دو نیمگی سیادی ءُ وت مہ وتی نپ ءِ دیمروئی ءِ جیڈھ آنی سر ءَ ھیال ریچی کنگ بوت۔ وزیر مملکت بلال اظہر کیانی ءَ گوشت کہ مزن وزیر شہباز شریف اقتصادی برجائی ءَ را اقتصادی دیمروئی ءَ بدل کنگ ءِ وژن ءِ رندگیری ءَ کنگ ءَ انت۔ وزیر مملکت بلال اظہر کیانی ءَ گوشت کہ پاکستان ریلوے ءَ را نوکیں آسراتی پجاری کنوکیں ادارگ جوڑ کنگ ءِ منصوبگ ءِ سر ءَ ترندی ءَ گوں کار بوھگ ءَ انت۔ جین میریٹ ءَ برطانیہ ءُ پاکستان ءِ نیام ءَ گیش بوھوکیں دو نیمگی کمک ءَ را وش اتک کت۔ دوئیں رہشوناں پاک برطانیہ ءِ سیادی ءَ را گیش مھکم کنگ ءِ واستہ نزیکیں رابطہ برجائی ءِ واستہ وتی عزم ءِ پدا زور دات۔