نیک راھی کار   ءِ وفاقی وزیر سردار محمد یوسف ءَ ہائی کمشنر جین میریٹ  ءَ گوں گند ءُ نند کتگ، دو نیمگی سیادی ءِ بابت ءَ گپ ءُ تران

اسلام آباد۔17اکتوبر  (اے پی پی): جمعہ ءِ روچ ءَ نیک راھی کار کارانی وفاقی وزیر سردار محمد یوسف ءَ گوں برطانیہ ءِ ہائی کمشنر جین میریٹ  ءَ گند ءُ نند کت، ایشی ءِ تہ ءَ دو نیمگی سیادی ءُ وت مہ وتی مفاد ءِ جیڈھ آنی سر ءَ گپ ءُ تران کنگ بوت۔ نیک راھی کار کارانی وزیر ءَ گشتانک دیان ءَ گوشت کہ مارا وتی شانداریں روایات ءُ دود ءُ ربیدگ ءِ سر ءَ سک باز فخر اِنت، پاکستان برطانیہ ءِ گوما وتی سیادی ءَ را ارزشت دنت ءُ آیوکیں وھد ءَ اے کمک ءَ را گیش پراھی کنگ ءِ واھشت مند اِنت۔ آئی ءَ گوشت کہ بھارت ءَ مسلمان ءُ ایندگر اقلیت آنی سر ءَ سرکاری کمک ءَ چہ زلم ءُ زوراکی آنی تہ ءَ گیشی جیڈھ ءِ سبب اِنت۔ پاکستان ءَ نندوکیں جین، ہندو، سکھ، پارسی ءُ دگہ مذہبانی پاکستانی مئے چاگردی بافت ءِ یک جتائیں بہرے اَنت۔ پاکستان ءَ بین المذاہب یکوئی ءَ را دیمروئی دیگ ءِ واستہ توامیں شوبگ آنی تہ ءَ اقلیت آنی بھر زوری ءَ را گیش کنگ ءِ واستہ جوانیں گامگیج چست کتگ۔ برطانیہ ءِ ہائی کمشنر جین میریٹ  ءَ گوشت کہ برطانیہ ءَ 2 ملین مسلمان ءُ 1.7 ملین ہندو نندوک انت، پاکستان ءُ برطانیہ ءَ یکے دومی ءِ تجروبت آنی چہ سیت چست کنگ بوت کنت تانکہ بین المذاہب یکوئی ءَ را دیم ءَ برگ بہ بیت۔ برطانیہ ءَ مدرسہ ءِ نودربراں نوکیں ٹیکنیکل وانگ ءُ زانگ ءِ پجاری ءِ واستہ پاکستان ءِ کمک ءِ پیشکش کتگ۔ برطانیہ ءِ سفیر ءَ گوشت کہ آ مدرسہ ءَ چہ گریجویشن کنوکیں نودربر آناں برطانیہ ءَ انٹرنشپ پروگرام ءُ اسکالرشپ دات کن اَنت۔ وزیر دینی امور ءَ گوشت کہ سرجمیں ملک ءَ 18 ہزار ءَ چہ گیش مدرسہ رجسٹرڈ انت، وتی نودربر آناں نوکیں تکنیکی وانگ ءُ زانگ ءِ پھجاری وھد ءِ ضلورت انت، مزن وزیر ءِ ورنا پروگرام ءِ چیر دستی ءَ مدرسہ آنی نودربر آناں نوکیں تکنیکی وانگ ءُ ھنر ءِ وانینگ بوھگ ءَ انت۔ گند ءُ نند ءَ انتہا پسندی ءِ ھلاسی ءُ نیک راہ آنی وت مہ وتی یکوئی ءِ دیمروئی ءِ واستہ کمک ءِ تہ ءَ گیشی ءِ سر ءَ تپاک کنگ بوت۔