نائب مزن وزیر سینیٹر  محمد اسحاق ڈار ءَ جتا جتائیں المی چیزانی نرخ ءُ سپلائی ءِ جاور ھال ءِ چار ءُ تپاسی ءِ دیوان ءِ سروکی کت

اسلام آباد۔17اکتوبر  (اے پی پی): نائب مزن وزیر ءُ درئی کارانی وزیر سینیٹر   محمد اسحاق ڈار ءِ سروکی ءَ دیوان ءَ جتا جتائیں المی سامان آنی بہا ءُ سپلائی ءِ جاور ھال ءِ سر ءَ چار ءُ تپاسی کنگ بیت۔ جمعہ ءِ روچ ءَ نائب مزن وزیر ءِ کارگس ءِ نیمگ ءَ جاڑی بوتگیں بیان ءِ رد ءَ راجی فوڈ سیکیورٹی ءُ پٹ ءُ پول ءِ وزارت ءَ ھواریں مردم آناں استیں اسٹاک ءِ دستیابی ءِ بابت ءَ سرپدی داتگ۔ نائب مزن وزیر ءَ استیں سپلائی ءِ جاور ھال آنی سر ءَ دل یکیمی ءِ درشان کنان ءَ سرجمیں ملک ءَ المی سامان آنی بے رکاوٹ سپلائی ءَ را دل یکیمی کنگ ءِ واستہ وفاقی ءُ صوبائی واکدار آنی نیام ءَ نزیکیں رابطہ ءِ ضلورت ءِ سر ءَ زور پر دات۔ گند ءُ نند ءَ راجی وردن ءُ وراک ءِ سلامتی، بجلی ءُ اقتصادی کارانی وزیر ءُ وزارت تجارت ءُ صنعت آنی سیکرٹری آں بہر زرتگ۔ اے موہ ءِ سر ءَ توامیں صوبائی چیف سیکرٹری، ٹریڈنگ کارپوریشن آف پاکستان ءِ چیئرمین ءُ سیادی داروکیں محکمہ آنی کارندہ ھم ساڑی بوتگ اَنت۔