چیف آف دی نیول اسٹاف ایڈمرل نوید اشرف نا امریکی بحری نا عہدیدار و سول سرکڑدہ غاتون اہم اوڑدہی

واشنگٹن ۔ 17 اکتوبر (اے پی پی) چیف آف دی نیول اسٹاف ایڈمرل نوید اشرف امریکہ نا دورہ ٹی امریکہ نا بڑزکو بحری و سول سرکڑدہ غاتون اہم اوڑدہی کرینے ۔ اوڑدہی تیٹی کسبی است خواہی نا امور، علاقائی سلامتی ، کسبی تربیت  و میری ٹائم کمکاری آ گپ وتران کننگا۔ سرجم حوال آتا رداٹ نیول چیف امریکی ڈپٹی چیف آف دی نیول اسٹاف آپریشنز و کوسٹ گارڈ نا وائس کمانڈنٹ تون جتا جتا اوڑدہی کرے۔ نیول چیف امریکہ نا نیشنل ڈیفنس یونیورسٹی نا ہم دورہ ءِ کرے و یونیورسٹی نا صدر وائس ایڈمرل پیٹراے گارون تون اوڑدہی کرے۔ اوڑدہی تیٹی کسبی است خواہی نا امور، علاقائی سلامتی ، کسبی تربیت و میری ٹائم کمکاری آ گپ وتران کننگا۔ نیول چیف امریکی محکمہ خارجہ نا ہم دورہ ءِ کرے۔ اوسیاسی و عسکری امورنا ڈپٹی اسسٹنٹ سیکرٹری سٹینلے ایل براؤن تون اوڑدہی کرے۔ ایڈمرل نوید اشرف امریکی اسکالرز و تھنک ٹینک نا چاہندار آتیان تران کرے و علاقائی میری ٹائم سیکورٹی چیلنج و اسیجائی میری ٹائم کوشست آتیٹی پاک بحریہ نا کمکاری ءِ مون آ تخا۔ نیول چیف نا دورہ امریکہ ہڑتوم آملک آتا نیام اٹ میری ٹائم سیکورٹی و دفاعی کمکاری ءِ مون آ دیک۔