مودی حکومت نا پدریسہ سفارتی بے سہبی، جہانی درجہ بندی ٹی بھارتی پاسپورٹ 85 می نمبرآ ہنا، حوال

اسلام آباد۔ 17 اکتوبر (اے پی پی) مودی حکومت نا تہار بشخ، سفارتی بے سہبی ، زرگزرانی زوال و اندرونی خلفشار عروج آٹی ءِ، اونا سفارتی لاپرواہی، ہیبدار خارجہ پالیسی و بے سہبیک بھارت ءِ ذلت آمیز ہند آ سرکرینو۔ این ڈی ٹی وی نا رداٹ بھارتی پاسپورٹ نا جہانی درجہ بندی ٹی بھلو تنزلی اس مون آبسنے، ہینلے پاسپورٹ انڈیکس اٹی بھارتی پاسپورٹ 85 می نمبرآ ہنا۔ مودی حکومت السی وسیلہ غاتے سلہہ غاتا ہلنگ و تینا جنگی جنون اٹ دِکہ تس۔ نابود مودی حکومت نا بے سہبی و جنگی جنون بھارت اٹ روزگار ، تعلیم وجان جوڑی نا نظام ءِ بھسکاری نا دنگ آ سرکرینے۔ بھارتی میڈیا نا رداٹ ملک انا سرکاری ہسپتال آتیٹی 70 درسد وینٹی لیٹر خراب، بنداوی گرج آتا کمتی و جعلی دوائی مریض آتے مرک انا باہ ٹی دننگ ءُ، ملک اٹی بے روزگاری نا کچ 5.1 درسد مس ہرا ورناتیٹی مایوسی نا سوب ءِ، بھارت اٹی 6آن 14 سال انا 11 لکھ آ چناتعلیم آن محروم ءُ۔ اوپارے کہ مودی حکومت نا ہیبدار پالیسی و جندی فائدہ غاتا سیاست بھرم ءِ بھارتی الس کُننگ ءِ، ظالم مودی نا غٹ تر چکار مسلمان و ایلو اقلیت آتا نسل کشی و ہندوتوانظریہ ءِ ریاستی پالیسی ٹی بدل کننگ آٹی ءِ۔ اوناپاننگ ءِ کہ نابود مودی حکومت نا بے سہب پالیسی و دہشت گردی نا مخ تفی بھارت ءِ سفارتی تنیائی آ درینے۔