پاکستان و یواے ای زرگزرانی و اقتصادی کمکاری ءِ پوسکن ءُ جہت اس تننگ کن سنبرینگوک، ایس آئی ایف سی نا کمک اٹ درملکی زرکاری وواپاری شریداری تیٹی پیش رفت برجاء

اسلام آباد۔ 17 اکتوبر (اے پی پی) پاکستان و متحدہ عرب امارات (یواے ای) زرگزرانی و اقتصادی کمکاریءِ پوسکن ءُ جہت اس تننگ کن سنبرینگوک ءُ، ایس آئی ایف سی نا کمک اٹ پاکستان نا درملکی زرکاری و واپاری شریداری تیٹی نمان پیش رفت مسنے۔ سرجم حوال آتا رداٹ وزیراعظم نا کوآرڈی نیٹر واپار رانااحسان افضل خان یواے ای نا وزیر واپار تون اہم اوڑدہی کرے۔ رانا احسان افضل خان یواے ای نا کاروباری برادری ءِ پاکستان اٹ اڈ ہلوک مسٹ میکو فوڈ اینڈ ایگریکلچر ایگزیبیشن (فوڈایگ2025) اٹی خصوصی بشخ ہلنگ نا سلہ خلک۔ فوڈایگ 2025کون آ پروگرام پاکستان نا مصنوعات کن جہانی منڈی تا درگہ غاتے ملک۔ فوڈ ایگ 2025 وزارت واپار نا فلیگ شپ ایونٹ 25آن 27 نومبر آ اڈ ہلیک، گچین واپاری تعلقداری آن خلیجی ملک آتون پاکستان نا اقتصادی پت سوگو مریک۔ ایس آئی ایف سی نا گچین گام گیج پاکستان وخلیجی ملک آتیٹی واپار و زرکاری نا پوسکن وارخواہی ودی کننگ ءِ۔