پاکستان ءُ امارات ءَ اقتصادی ءُ مالیاتی کمک ءَ را نوکیں جہت دیگ ءِ جزم کتگ، ایس آئی ایف سی ءِ کمک ءَ درملکی سرمایہ کاری ءُ تجارتی شریکداری ءِ تہ ءَ دیمروئی برجاہ

اسلام آباد۔17اکتوبر  (اے پی پی): پاکستان ءُ متحدہ عرب امارات اقتصادی ءُ مالیاتی کمک ءَ را نوکیں رنگ ءُ دروشم دیگ ءِ واستہ جزم انت، ایس آئی ایف سی ءِ کمک ءَ پاکستان ءِ درملکی سرمایہ کاری ءُ تجارتی شریکداری ءَ مزنیں دیمروئی کتگ۔ تفصیلات ءِ رد ءَ مزن وزیر برائے کامرس ءِ کوآرڈینیٹر رانا احسان افضل خان ءَ امارات ءِ وزیر کامرس ءِ گوما ھاسیں گند ءُ نند کت۔ رانا احسان افضل خان ءَ امارات ءِ کاروباری براتی ءَ را پاکستان ءَ برجم دارگ بوھوکیں فوڈ اینڈ ایگریکلچر نمائش (فوڈ اگ 2025) ءَ بھر زوری ءِ دعوت دات۔ فوڈ ایگ 2025، کہ یک انچیں پروگرامے کہ ایشی ءَ چہ پاکستانی چیز آنی واستہ جھان ءِ مارکیٹ آنی دروازگ پچ بنت۔ فوڈ ایگ  2025 وزارت تجارت ءِ پروگرام اِنت۔ پرچم بردار مراگش 25نومبر ءَ بگر داں 27 نومبر ءَ برجم دارگ بیت۔گہتریں تجارتی سیادی ءَ چہ خلیج ءِ ملک آنی گوما پاکستان ءِ اقتصادی دل یکم گیش بیت۔ ایس آئی ایف سی ءِ موثریں گامگیج پاکستان ءُ خلیج ءِ ملکانی نیام ءَ بیپار ءُ سرمایہ کاری ءِ نوکیں موہ پچ کنگ ءَ انت۔