پاکستان ءِ سرا اوگان طالبان ءِ بے سوبیں زوراکی ءِ سر ءَ مردم پاکستان ءِ اُرد ءَ گوں یکوئی ءِ درشان ءَ کن اَنت

راولپنڈی ۔17اکتوبر  (اے پی پی): اوگان طالبان ءِ پاکستان ءِ سر ءَ بے سوبیں زوراکی ءِ سر ءَ پاکستان ءِ اُرد ءَ گوں یکوئی ءِ درشان کتگ۔ پاکستانی راج اوگان طالبان ءِ زوراکی ءُ ناشرکاری ءِ سر ءَ سک باز رد عمل پیش کنگ ءَ اِنت۔ تفصیلات ءِ رد ءَ صوبہ خیبر پختونخوا ءِ شہری آں پاک فوج ءِ گوما یکوئی ءِ درشانی کتگ۔ شہریاں گشتگ کہ پاکستان ءِ حاکمیت ءَ را تاوان دیگ ءِ کوشست کنوکیں مردمانی ھلاپ ءَ پاک فوج ءَ را مھکمیں جوابی کارروائی کنگی اِنت۔ شہری آں گوشت کہ پاک فوج ءَ اوگان آناں جوانیں سبق داتگ ءُ اوگان آنی بازیں پوسٹ آنی سر ءَ قبضہ کتگ۔ ما پاکستانی فوج ءَ را اوگان طالبان رژیم ءِ بے سوبیں اُرشانی سر ءَ مھکمیں پسو ءِ ھاتر ءَ شگر ءُ منت وار ایں ۔ طالبان ءَ بلوچستان ءُ خیبر پختونخوا ءِ سیمسر ءِ دمگاں اُرش کتگ بلے ھر جاگہ ​​ءَ ھلاس بوتگ اَنت، ہندوستان  پاکستانی اُرد ھر دیم ءَ اوگان طالبان ءِ اُرشاں ھلاس کنگ ءَ اِنت۔ پاکستان ءَ اوگانستان ءِ آسراتی دیوک ہندوستان ءَ را ھم لائکیں پسو داتگ۔ اوگانستان بار بار وتی وعدہانی سرا عمل نہ کنت۔ اے اولی ناشرکاری ءِ نیٹ ورک ءَ را ھلاس بہ کنت۔ اوگانستان ءَ پیسر ءَ فتنہ الخریج ءُ فتنہ ہندستان ءِ نیٹ ورک ھلاس کنگی اِنت ءُ پدا ما گپ ءُ تران کنیں۔ داں وھدیکہ ناشرکاری ھلاس نہ بیت گوں افغانستان ءَ سیادی برجا نہ بنت ۔ خیبر پختونخوا ءِ مہلوک پاکستانی اُرد ءِ ھمراھی ءَ جنگ ءَ مدام ساڑی اَنت۔