موسمیاتی بدلی ءِ وفاقی وزیر ڈاکٹر مصدق ملک ءَ سیمسن  گروپ ءِ میان استمانی مشاورتی بورڈ ءَ گوں گند ءُ نند کتگ، چاگردی سرمایہ کاری ءُ درچک ءِ کشت ءُ کشار ءِ ٹارگٹ ءِ بابت ءَ گپ ءُ تران

اسلام آباد۔17اکتوبر  (اے پی پی): موسمیاتی بدلی ءُ چاگردی ردوم ءِ وفاقی وزیر ڈاکٹر مصدق ملک ءَ گوشت کہ پاکستان ءِ معیشت ءِ دیمروئی ءِ واستہ انچیں گامگیج المی انت کہ آ دمگی آبادی ءِ واستہ نوکیں روزگار ءِ موہ پیداک بہ کن انت ءُ ھمے وھد ءَ قدرتی ندارگ، جنگل ءُ زندمان ءِ بن ھشت ءِ رکھینگ بہ بنت۔ آئی ءَ اے ھیالانی درشانی جمعہ ءِ روچ ءَ سیمسن  گروپ آف کمپنی آنی انٹرنیشنل ایڈوائزری بورڈ ءِ گوما گند ءُ نند ءِ ساھت ءَ کت۔ اے ڈل ءِ سروکی ءَ ہاؤس آف لارڈز (برطانیہ) ءِ باسک کینسنگٹن ءِ لارڈ امیر سرفراز ءُ برطانوی فوج ءِ پیسریگیں سروک جنرل پیٹرک سینڈلر ءَ کتگ۔ گند ءُ نند ءَ پاکستان ھاسیں رنگ ءَ رودراتکی دمگ آنی تہ ءَ ایکوٹورزم ءِ دیمروئی ءِ آسر آنی سر ءَ ھیال ریچی کنگ بوت۔ باست ءُ واست ءِ مول ءُ مراد پائیدار دیمروئی ءِ ماڈل ءِ جوڑ کنگ بوتگ کہ آ اقتصادی دیمروئی ءُ قدرتی چاگرد ءِ رکھینگ ءِ نیام ءَ توازن ءِ جوڑ کنگ ءَ انت۔ ڈاکٹر مصدق ملک ءَ گوشت کہ پاکستان ءَ ایکوٹورزم ءِ دیمروئی ءِ واستہ اے وڑیں گامگیج المی انت کہ ایشی ءَ چہ دمگی آبادی ءِ واستہ نوکیں روزگار ءِ موہ پیداک بہ بنت وھدیکہ قدرتی ندارگ، جنگل ءُ زندمان ءِ بن ھشت ءِ رکھینگ بہ بیت۔ گند ءُ نند ءَ سیمسن  گروپ ءِ کارپوریٹ سوشل ریسپانسبلٹی (سی ایس آر) ءِ چیر دستی ءَ سرجمیں ملک ءَ 100 ملین درچک ءِ کشت ءُ کشار ءِ عزم ءِ سر ءَ ھم ھیال ریچی کنگ بوت۔ وفاقی وزیر ءَ اے مزنیں موہ ءِ سر ءَ باگانی مہم ءِ توسیپ کت ءُ گوشت کہ نجی شعبہ ءِ ھوار بوھگ حکومت ءِ چاگردی مول ءُ مراد آناں سرجمی ءِ تہ ءَ المی کرد پیلو کت کنت۔ آئی ءَ اے گپ ءِ سر ءَ زور پر دات کہ اے رنگ ءِ شریکداری پاکستان ءِ سبزیں دیمروئی ءِ ایجنڈا ءَ را دیم ءَ برگ ءُ راجی جنگل ءِ برجای ءُ پائیدار دیمروئی ءِ مول ءُ مراد آنی سر ءَ سر بوھگ ءِ تہ ءَ المی کرد پیلو کنت۔\932