علامہ شاہ اویس  نورانی ءَ وفاقی داخلہ ءِ وزیر محسن نقوی ءَ گوں گند ءُ نند کتگ، مذہبی ہم آہنگی، رواداری، برات ءُ راجی یکوئی ءِ دیمروئی ءِ بابت ءَ گپ ءُ تران

اسلام آباد۔17اکتوبر  (اے پی پی): اسلام آباد ءَ وفاقی تہی کارانی وزیر محسن نقوی ءَ گوں جمعیت علماء پاکستان ءِ سیکرٹری جنرل علامہ شاہ اویس نورانی ءَ گند ءُ نند کت، ایشی ءِ تہ ءَ مذہبی یکوئی، رواداری، براتی ءُ راجی یکوئی ءِ دیمروئی ءِ سر ءَ گپ ءُ تران کت۔ دیوان ءَ اے گپ ءِ سر ءَ سرجمی ءَ تپاک کنگ بوت کہ ملک ءَ دائمی امن ءُ چاگردی یکوئی ءِ برجائی ءِ واستہ توامیں سسا ساچ آنی  کمک بہ کن اَنت ءُ جوانیں کرد ءِ پیلو بہ کن اَنت۔ وزیر داخلہ محسن نقوی ءَ اے گپ پدر کت کہ ہچ وڑیں بے گناہیں مردم ءِ حلاف ءَ کارروائی نہ بیت ءُ مدرسہ بند نہ بیت، البت شرارتی ءُ انتہا پسندیں عناصر ءِ گوما سک باز کار کنگ بیت ءُ آہاں ہچبر اجازت نہ دیگ بیت کہ آ قانون ءَ وتی دست ءَ بہ زور انت ءُ ریاست ءِ حلاف ءَ سلاہ چست بہ کن انت۔ محسن نقوی ءَ گشتگ کہ قائداعظم ءِ پاکستان ءَ بدمعاشی، انتہا پسندی ءُ آشوب شنگ کنوکاں گنجائش نیست۔ اے وڑیں عناصر ءِ ھلاپ ءَ آہنی دست ءَ کارروائی کنگ بیت۔ آئی ءَ گوشت کہ علما مذھبی ھمگرنچی، رواداری ءُ امن ءِ دیمروئی ءِ تہ ءَ ھاسیں کرد پیلو کنگ ءَ اَنت، مذھبی وانگ ءُ زانگ ءِ دیمروئی مئے درست آنی یکجائی فرض اِنت۔ علامہ شاہ اویس  نورانی ءَ اے موہ ءِ سر ءَ گوشت کہ ملک ءَ امن، رواداری ءُ براتی ءِ دیمروئی ءِ واستہ جماعت علما پاکستان حکومت ءِ گوما ھمک رنگ ءَ کمک کنت ۔ گند ءُ نند ءَ ملک ءَ مذہبی رواداری ءُ راجی یکوئی ءِ دیمروئی ءِ واستہ یکجائی کوشست آنی برجاہ دارگ ءِ سر ءَ تپاک کنگ بوتگ۔