جنرل ساحر شمشاد مرزا ءَ پاکستان ءِ اے جزم ءِ درشانی کتگ کہ آ دمگی امن ءُ ایمنی ءِ دیمروئی ءِ تہ ءَ فعال کرد پیلو کنت، گلوبل نارتھ ءُ گلوبل ساؤتھ ءِ نیام ءَ سیادی ءِ تہ ءَ توازن ءِ تہ ءَ ھوار اِنت

راولپنڈی۔16اکتوبر  (اے پی پی):جوائنٹ چیفس آف اسٹاف کمیٹی ءِ چیئرمین جنرل ساحر شمشاد مرزا ءَ پاکستان ءِ عزم ءِ درشانی کتگ کہ آ دمگی امن ءُ ایمنی ءِ دیمروئی ءِ تہ ءَ فعال کرد پیلو کنت، گلوبل نارتھ ءُ گلوبل ساؤتھ ءِ نیام ءَ سیادی ءَ را توازن ءِ وسیلگ ءَ گپ ءُ تران، احترام ءُ پاکستان ءِ اصولی امن ءُ ایمنی ءِ کمک ءِ وسیلگ ءَ . فلسطین ءُ جموں ءُ کشمیر ءَ ھوار تنازعات ءِ سرا زھرشانی کنگ بوتگ۔ پنچ شمبے ءِ روچ ءَ انٹر سروسز پبلک ریلیشنز ءِ نیمگ ءَ جاڑی بوتگیں بیان ءِ رد ءَ جوائنٹ چیفس آف اسٹاف کمیٹی ءِ چیئرمین جنرل ساحر شمشاد مرزا ءَ نسٹ یونیورسٹی نبیس ءِ نیمگ ءَ برجم داشتگیں ’اسلام آباد سمپوزیم 2025‘ ءِ گڈی مراگش ءَ سروک ءِ بستار ءَ بھر زوری کتگ۔ مراگش ءَ گوں تران کنان ءَ چیئرمین جے سی ایس سی ءَ درستیں گشتانک دیوک ءُ پینلسٹ آنی ارزشتی ایں ھیال ءُ لیکہ آنی سر ءَ منت واری درشان کت ءُ جھان ءُ دمگی چاگرد ءِ سر ءَ رژنائی شنگ کت۔ آئی ءَ گپ ءُ تران، شرپ ءُ اصولی سفارتکاری ءِ وسیلگ ءَ گلوبل نارتھ ءُ گلوبل ساؤتھ ءِ نیام ءَ سیادی آناں توازن ءِ تہ ءَ دمگی امن ءُ ایمنی ءِ دیمروئی ءِ واستہ پاکستان ءِ جزم ءِ درشان کت۔ جیڈھ ءِ بدل ءَ کمک ءِ ضلورت ءِ سر ءَ زور پر دیان ءَ جوائنٹ چیفس آف اسٹاف کمیٹی ءِ چیئرمین جنرل ساحر شمشاد مرزا ءَ گوشت کہ پاکستان ءَ را میاں اوستمانی کانود ءِ تہ ءَ بُن ھشت ایریں وت مہ وتی احترام ءُ ھمزوری ءِ وژن ءِ رھشونی کنگ ءَ اِنت۔ چیئرمین جے سی ایس سی ءَ فلسطین ءُ جموں ءُ کشمیر ءَ ھوار جیڈھ آنی انصاف ءُ پرامن گیواری ءِ واستہ پاکستان ءِ برجاھیں کمک ءِ پدرائی کت۔ آئی ءَ گوشت کہ دمگ ءُ تہذیب آنی سنگر ءِ سر ءَ اوشتاتگیں پاکستان رواداری ءُ جوڑیشت ءِ ھوار بوھگ ءَ برجم دارگ ءَ اِنت کہ ایشی ءِ تہ ءَ تپاوت ءِ ھلاسی ءُ انصاف، برابری ءُ وت مہ وتی ءِ سر ءَ بنیات ءِ سر ءَ یک متوازنیں جھان ءِ نظام ءِ دیمروئی ءِ کوشست کنگ بوھگ ءَ اِنت۔ اے مراگش ءَ اکیڈمیا ءِ باسک، بیوروکریٹ، درملکی سفیر، کاروباری برادری ءِ نمائندگ، نامداریں یونیورسٹی آنی نودربر ءُ فیکلٹی آنی تہ ءَ بھر زوری بوتگ۔