نائب مزن وزیر ءُ دری کارانی وزیر سینیٹر محمد اسحاق ڈار ءُ پاکستان پیپلز پارٹی ءِ مزن مزنیں راہشوناں گوں گند ءُ نند کت، استیں سیاسی ءُ ایمنی ءِ جاور ءُ اے دگہ بنگپانی سرا گپ ءُ تران کت

اسلام آباد۔16اکتوبر  (اے پی پی):نائب مزن وزیر ءُ دری کارانی وزیر سینیٹر محمد اسحاق ڈار ءُ پاکستان پیپلز پارٹی ءِ مزن مزنیں سروکاں استیں سیاسی ءُ ایمنی ءِ جاور ءُ اے دگہ بنگپانی سرا گپ ءُ تران کت۔ پنچ شمبے ءِ روچ ءَ نائب مزن وزیر کارگس ءِ نیمگ ءَ جاڑی بوتگیں بیان ءِ رد ءَ پاکستان پیپلز پارٹی ءِ سینئر رہشون آنی گوما نائب مزن وزیر ءُ دری کارانی وزیر ءِ گوما وشیں ءُ جوڑیشت ءِ گند ءُ نند بوتگ۔ پیپلز پارٹی ءِ رہشونانی تہا پیسریگیں مزن وزیر راجا پرویز اشرف، سینیٹر شیری رحمان، سینیٹ ءِ پیسریگیں چیئرمین نیار حسین بخاری ءُ ندیم افضل چان ہوار بوتگ انت۔ اے موہ ءِ سر ءَ وفاقی وزیر اقتصادی کار احد چیما، وفاقی وزیر بین صوبائی رابطہ رانا ثنا اللہ، پنجاب ءِ سینئر وزیر مریم اورنگزیب، اسپیکر پنجاب اسمبلی ملک احمد خان، چیف سیکرٹری پنجاب ءُ آئی جی پنجاب ھم ھوار اتنت۔ گند ءُ نند ءَ ملک ءِ انوگیں سیاسی ءُ ایمنی ءِ جاور ءُ انوگیں دمگی ءُ جہانی جیڈھ آنی سر ءَ گپ ءُ تران کنگ بوت۔