مزن وزیر محمد شہباز شریف ءَ گوشتگ کہ وفاقی حکومت ءِ چیر دستی ءَ جاری دیمروئی منصوبگ آنی وھد ءِ سر ءَ سرجم کنگ مئے اولی ترجی آنی تہ ءَ ھوار انت

اسلام آباد۔16اکتوبر  (اے پی پی):مزن وزیر محمد شہباز شریف ءَ گوشت کہ وفاقی حکومت ءِ چیر دستی ءَ جاری دیمروئی منصوبگ آناں وھد ءِ سر ءَ سرجم کنگ مئے اولی ترجی آنی تہ ءَ ھوار اِنت۔ آئی ءَ اے ھیالانی درشانی کنوینر متحدہ قومی موومنٹ ءِ وفاقی وزیر وانگ ءُ زانگ ءُ تکنیکی تربیت ڈاکٹر خالد مقبول صدیقی ءِ سروکی ءَ ڈل ءَ گوں گپ ءُ تران کنان ءَ کت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ ڈل ءِ تہ ءَ گورنر سندھ کامران خان تیسوری، راجی اسمبلی ءِ باسک ڈاکٹر محمد فاروق ستار، امین الحق ءُ جاوید حنیف ھوار اَنت۔ مزن وزیر ئَ گوشت کہ وفاقی حکومت ئِ چیر دستی ئَ جاری دیمروئی منصوبگ آناں وھد ئِ سر ئَ سرجمی مئے اولی کار آنی تہ ئَ انت۔ ڈل ءَ غزہ ءِ امن معاہدے ءِ ھوالگ ءَ پاکستان ءِ کوشست آنی پد ءَ مزن وزیر ءَ را شگر ءُ منت پیش کت۔ اے موہ ءِ سر ءَ ملک ءِ سرجمیں ءُ سیاسی جاورانی سر ءَ گپ ءُ تران کنگ بوت۔ گند ءُ نند ءَ نائب مزن وزیر ءُ درئی کارانی وزیر اسحاق ڈار، منصوبہ بندی ءِ وفاقی وزیر احسن اقبال، ہاؤسنگ ءِ وفاقی وزیر ریاض حسین پیرزادہ، وفاقی وزیر پبلک افیئرز یونٹ رانا مبشیر اقبال ءُ سیاسی امور ءِ مزن وزیر ءِ مشیر رانا ثناء اللہ ھم گند ءُ نند ءَ ھوار اتنت۔