اوگانستان ءِ نیمگ ءَ چہ پاکستان ءِ سر ءَ اُرش ھندوستان ءِ گْوشگ ءِ پد ءَ بوتگ، پاکستانی لشکر ءَ اُرش ءِ لائکیں پسو داتگ، غزہ ءَ جنگ بندی ءُ ھون ریچی ءِ دارگ مزنیں سوبمندی یے، مزن وزیر شہباز شریف ءَ وفاقی کابینہ ءِ دیوان ءَ وتی ھیالانی درشانی کتگ

اسلام آباد۔16اکتوبر  (اے پی پی):مزن وزیر محمد شہباز شریف ءَ گشتگ کہ اوگانستان ءِ نیمگ ءَ چہ پاکستان ءِ سر ءَ اُرش بھارت ءِ گشگ ءِ سر ءَ بوتگ، پاکستانی لشکر ءَ اے اُرش ءِ لائکیں پسو داتگ، وھدے پاکستان ءِ سر ءَ اُرش بوتگ گڑا اوگانستان ءِ درئی کارانی وزیر دہلی ءَ نشتگ ات، 48 مئے جائزیں جاوراں گوں اوگانستان ءَ گپ کنگ ءَ تیار ایں، غزہ ءَ جنگ بندی ءُ ھون ریچی ءِ بند کنگ مزنیں سوبمندی یے، پاکستان ءِ موقف سک ھاسیں، فلسطینی آں اقوام متحدہ ءِ قراردادانی رد ءَ وت واجہی ءِ حق رسگی اِنت، کجا بوتگ اَنت آ کہ غزہ ءِ جیڑھ ءِ سر ءَ سیاست کتگ اَنت وھدے کہ پاکستان ءَ ھمساھگ ءِ تہ ءَ ھون رچگ ءَ اَت ءُ اودا ھم ھون رچگ ءَ اَت۔ کشمیری برات ءُ گہار آنی واستہ آئی ایم ایف ءِ گوما کارندہ آنی تک ءَ تپاک کنگ بوتگ اے آئی ایم ایف ءِ گوما گڈی پروگرام بہ بیت۔ راستی ءِ جُہد ءَ پد ملک ءِ عزت ءُ بادشاہی چست بوتگ ۔ اگاں پاکستان ھم معاشی ھوالہ ءَ ٹھک بہ بیت گڑا دُگنیا ایشی ءِ نیمگ ءَ چماں شانک دنت۔ اے ھیالانی درشانی آئی ءَ پنچ شمبے ءِ روچ ءَ وفاقی کابینہ ءِ دیوان ءَ گشتانک دیان ءَ کت۔ مزن وزیر ءَ گوشت کہ اوگان واکدار آناں اے گپ ءِ پجّار کنگ ءِ واستہ باز رند ءَ دل ءِ جہلانکی ءَ کوشست کنگ بوتگ کہ اوگانستان ءَ نندوکیں لاکھوں مردم مئے گہار ءُ برات اَنت۔ پاکستان ءُ اوگانستان ءِ دو ہزار کلومیٹر ءِ مشترکہ سیمسر انت۔ پاکستان ءَ کمیں وسیلگ آنی باوجود دہائی آنی واستہ پاکستان ءَ 4ملین اوگان شہری آناں مخلصانہ رنگ ءَ میزبانی کتگ۔ ما براتی ءِ سیادی داشتگ بلے بدبھتی ءَ چہ اوگانستان ءَ ناشرکار آپریشن کنگ ءَ اَنت ۔ آزاتیں دستے ءِ واھند اَنت۔ آ نہ ایوک ءَ پاکستان ءِ تہ ءَ بے میاریں شہری شھید کنگ ءَ اَنت بلکیں پاکستانی لشکر، کانود ءُ پولیس ءِ افسر ءُ سپاھیگ ھم شھید کرتگ اَنت۔ مزن وزیر ءَ گوشت کہ گوستگیں وئیل آنی پد ءَ پاکستان ءِ صبر ھلاس بوتگ۔ مزن وزیر ءَ گوشت کہ نائب مزن وزیر ءُ دری کارانی وزیر ءَ بازیں رند ءَ اوگانستان ءِ تر ءُ تاب کتگ، وزیر دفاع ءُ ایندگر حکام ھم اوگانستان ءَ شتگ ءُ اوگان واکدار آنی گوما جوانیں گپ ءُ تران کتگ کہ ما ھمساھگیں ملک آں ءُ مارا ھمساھگ بوھگی اِنت، جیڈھ آناں دیمروئی ءِ وسیلگ ءَ گیواری کنگ بہ بیت۔ اوگانستان ءَ ھرچ وڑیں جھد ءِ باوجود امن ءَ را اولیت نہ داتگ ءُ زوراکی ءِ راہ گپتگ۔ آئی ءَ گوشت کہ وھدے بھارت ءِ پرمان ءِ سر ءَ پاکستان ءِ سر ءَ اُرش کنگ بوت گڑا اوگانستان ءِ دری کارانی وزیر دہلی ءَ نشتگ ات گڑا فیلڈ مارشل سید عاصم منیر ءِ سروکی ءَ مئے بہادریں پاکستانی اُرد آناں دفاع ءِ حق ءَ کارمرد کنان ءَ لائکیں پسو دیگی ات۔ ایشی ءَ چہ پد افغانستان ءَ جنگ بندی ءِ لوٹ کرتگ۔ افغانستان ءِ لوٹ ءِ سرا 48 کلاک ءَ عارضی جنگ بندی ءِ پیسلہ کنگ بوتگ۔ اگاں آ مئے جائزیں شرطانی تہا گپ ءُ تران کنان ءَ جیڑہاں گیش ءُ گیوار کنگ لوٹ اَنت گڑا آ پہ ایشی ءَ تیار اَنت۔ اے کلوہ اوگان واکداراں دیگ بوتگ۔ نوں بال ایشانی کوٹ ءَ اِنت۔ اگاں آ راستی ءَ سنگین اَنت گڑا اے گپ ءَ دیم ءَ بہ بر اَنت۔ مزن وزیر ءَ گوشت کہ مئے دوستیں ملک ھاسیں رنگ ءَ بلے قطر اے جیڈھ ءَ را گیش ءَ چہ گیش سنجیدگی ءُ مخلصی ءِ گوما گیواری ءِ کوشست کنگ ءَ انت۔ وہدے من شرم الشیخ ءَ امیر قطر ءَ گوں گند ءُ نند کت گڑا آئی ءَ گشت کہ پاکستان ءِ سرا اُرش کنگ نہ بوتگ ۔ما اے جیڑہ ءَ گیش ءُ گیوار کنگ لوٹیں، ایشی ءِ تہا وتی کرد ءَ پیلو کنگ لوٹیں۔ مزن وزیر ءَ گوشت کہ آئی ءَ اوگان واکدار آناں اے ھم گوشت کہ آ وت مہ وتی شور ءُ سلاھ ءُ کمک ءِ وسیلگ ءَ ایمنی ءِ چاگرد ءِ جوڑ کنگ لوٹ آں، مئے لوٹ اِنت کہ خوارج ءِ بغاوت ھلاس بہ بیت ءُ اوگانستان ءِ سرڈگار ناشرکار آنی نیمگ ءَ کارمرد مہ بیت ءُ اے جیڈھ دائمی بنیات آنی سر ءَ گیش ءُ گیوار کنگ بہ بیت۔ مزن وزیر ئَ گوشت کہ ما شھید آنی نماز ئِ جنازہ ئَ ھوار بوتگ آں، شھید آنی سیاد ئَ اے ھم گوشتگ کہ ناشرکار ھلاس کنگ بہ بنت۔ مزن وزیر ءَ گوشت کہ 2018ءَ پاکستان ءَ ناشرکاری سرجمی ءَ ھلاس بوتگ، اے بغاوت ءِ سبب چے انت کہ پدا چست بوتگ، گوست ءِ سرکار ءَ پدا ھزاراں ناشرکار آناں آزاتیں چھٹی داتگ ءُ پاکستان ءَ وش آتک کتگ، اے ناشرکاری ءِ بغاوت ءِ پدا زندگ بوھگ ءِ مستریں سبب انت۔ مزن وزیر ءَ گوشت کہ اوگان سرکار ءِ لوٹ ءِ پد ءَ 48کلاک ءِ واستہ جنگ بندی ءِ جار جنئگ بوتگ، اگاں وھد گوزگ ءِ واستہ اے کار کنگ بہ بیت گڈا ما ایشی ءَ قبول نہ کن ایں ۔ مزن وزیر ءَ گوشت کہ شرم الشیخ ءَ غزہ ءَ جنگ بندی ءِ واستہ تپاک کنگ بوتگ ۔ 74000 زھگ، مات، گھار، پیر ءُ ورنا شھید کنگ بیتگ اَنت۔ غزہ ءِ چُک ماں وانگجاہ ءُ نادراھجاہاں شھید کنگ بوھگ ءَ اِت اَنت ءُ آھانی رکّینگ ءِ ھاترا کس نیست اَت۔ جنگ بندی ءِ آرگ ءَ پاکستان ءُ ایندگہ ملک سرجمیں کرد ءَ پیلو کنگ ءَ اِت اَنت بلے آ وھد ءَ ھما مردم کہ امن ءِ برجائی ءَ نہ لوٹ اَنت آ ھمے آڑ ءِ چیر ءَ سیاست کنگ لوٹ اَنت۔ غزہ ءِ جنگ بندی ءِ جیڑہ ءِ سرا سیاست کنگ ءِ تہا انصاف، اصول ءُ برات کجا انت؟ وھدے کہ نوک زھگ شھید کنگ بوھگ ءَ اِت اَنت، غزہ ءِ کوچگ ءُ میتگاں ھون رچگ ءَ اِت اَنت، ءُ آ نادراھجاہ ءُ وانگجاہاں شھید کنگ بوتگ اَنت، آ وھد ءَ اے مردم کجا بوتگ اَنت؟ جنگ بندی ھما وھد ءَ آؤرتگ ات کہ ھون رچگ ءَ ات۔ مزن وزیر ءَ گوشت کہ غزہ ءَ جنگ بندی ءَ چہ پد نوں ھون ریچی بند بوتگ، اے مزنیں سوبمندی یے ۔ صدر ٹرمپ ءُ درستیں اسلامی ملکاں اے کار ءِ تہا سرجمیں کرد پیلو کتگ ءُ ھاسیں رنگ ءَ قطر، سعودی عرب، مصر، اردن، متحدہ عرب امارات ءُ ترکی ءَ وتی کرد پیلو کتگ۔ کردار سک باز المی انت۔ اے معاہدے ءِ سرا ترکی، مصر، قطر ءُ امریکہ ءِ نیمگ ءَ دستخط کنگ بوتگ۔ پاکستان ءَ ھم وتی فرض پیلو کت۔ نیویارک ءُ واشنگٹن ءَ صدر ٹرمپ ءِ گوما گند ءُ نند بوتگ۔ واشنگٹن ءَ بوتگیں گند ءُ نند ءَ نائب مزن وزیر ءُ دری کارانی وزیر ءُ فیلڈ مارشل سید عاصم منیر ءَ ہم بہر زرتگ۔ شرم الشیخ ءَ امن معاہدے ءِ جشن غزہ ءَ کنگ بوت۔ مردماں کوچگاں درکپت ءُ سجدہ کت۔ مہلوک ءَ امیت بوتگ کہ نوں امن ءِ جہہ منند بیت۔ دو سال ءِ تہا غزہ ءَ 74 ہزار مردم شہید کنگ بوتگ انت۔ نوکیں زمانگ ءَ اے بربریت ءِ ہچ وڑیں مثال نیست۔ ما اللہ تعالیٰ ءِ شکر ءَ بہ گریں کہ اودا امن ءُ ایمنی ءِ قیام بوتگ۔ نوں دیم ءِ مراگشانی تہا پاکستان ءِ کرد ءُ موقف سک باز پدر انت۔ ریاست فلسطین جوڑ کنگ بہ بیت ءُ اقوام متحدہ ءِ قراردادانی ردا فلسطینیاں وت واجئی ءِ حق دیگ بہ بیت۔ ما دیم ءَ ھم پہ آھانی ھکاں وتی توار ءَ چست کن ایں ۔ مزن وزیر ءَ گوشت کہ پاکستان ءَ دائم ءَ کشمیری برات ءُ گھار آنی واستہ توار چست کتگ ءُ انشاء اللہ دیم ءَ ھم ھمے رنگ ءَ کنت۔ مزن وزیر ءَ گوشت کہ آئی ایم ایف ءِ گوما سٹاف لیول ءِ معاہدہ بوتگ ایشی ءِ واستہ سرجمیں ٹیم ءِ شگر ءُ منت ءَ گِراں۔ نوں قسط پاکستان ءَ رسیت۔ اے آئی ایم ایف ءِ گوما گڈی پروگرام بہ بیت۔ قرضہ ءِ چہ رکّینگ ءِ وھد اتکگ بلے اے آسانیں کارے نہ اِنت۔ اے یک گرانیں پڑے ءِ۔ پہ ایشی ءَ مارا شپ ءُ روچ کار کنگی اِنت۔ ایوک ءَ ہمے وھد ءَ ما وتی گاریں پجّار ءَ پد ءَ پچ گرگ ءُ پاکستان ءَ قائداعظم ءِ وابانی راستیں بزانت ءَ ملکے جوڑ کنگ ءَ سوبین بئیں۔ پہ ایشی ءَ محنت ءُ گیشتر محنت اولی شرط انت۔ مزن وزیر ءَ گوشت کہ پاکستان ءَ را معاشی رد ءَ مھکم جوڑ کنگ لوٹ ایت، انچوش کہ دُگنیا ءَ راستی ءِ جنز ءَ چہ پد پاکستان ءِ بستار گیش بوتگ۔ اگاں پاکستان معاشی رد ءَ مھکم بہ بیت آئی ءِ توار وزن ءَ بارت ءُ دگنیا ترا گندیت۔ ما پاکستان ءِ اُلس ءَ گوں وعدہ کن ایں کہ ما بے تھنائی ءَ کار کن ایں، میرٹ ءَ را دل یکیمی کن ایں ءُ پاکستان ءَ را یک انچیں ملکے جوڑ کن ایں کہ قائداعظم ءَ آئی ءِ واب دیستگ ات ءُ آئی ءِ واستہ لکاں مردماں وتی جان ندر کتگ ات۔