وفاقی وزیر اطلاعات عطا اللہ تارڑ ءَ آل پاکستان نیوز پیپرز اینڈ الیکٹرانک میڈیا ءِ کارندہ کنفیڈریشن ءِ نوکیں گچین بوتگیں اگدہ دار آناں سوگند چست کت، اھوالکار آنی ھک آنی واستہ ھرچ وڑیں کمک ءِ دل یکیمی دات

اسلام آباد۔16اکتوبر  (اے پی پی):وفاقی وزیر برائے اطلاعات ءُ نشریات عطا اللہ تارڑ ءَ آل پاکستان روتاک ءُ الیکٹرانک میڈیا ءِ کارندہ کنفیڈریشن ءِ نوک گچین بوتگیں چیئرمین محمد صدیق انزار ءُ ایندگر عہدہ دار آناں مبارک بات دیگ ءِ وھد ءَ آھاں آناں وتی زمہ واری ءِ سوگند چست کت۔ گوستگیں روچ ءَ انفارمیشن سروس اکیڈمی اسلام آباد ءَ اے پیک ءِ نوکیں گچین بوتگیں اگدہ دار آنی سوگند چست کنگ ءِ مراگش ءِ برجم دارگ بوت، ایشی ءِ تہ ءَ وفاقی وزیر انفارمیشن عطا اللہ تارڑ، وزارت دفاع ءِ سر ءَ قائمہ کمیٹی ءِ چیئرمین اسٹینڈنگ کمیٹی برائے وزارت دفاع سینیٹر محمد طلحہ محمود، شام ءِ  سفیر رامز العری،  ایگزیکٹیو ڈائریکٹر جنرل انفارمیشن سروسز اکیڈمی عمرانہ وزیر،ایگزیکٹیو ڈائریکٹر جنرل/ پی آئی او مبشرحسن، ڈائریکٹرخواجہ معاذ، ڈائریکٹر  زوبیہ، ڈائریکٹر فیڈرل ہائوسنگ فاونڈیشن عمرسیال، پی ایف یو جے (دستور) ءِ  صدر حاجی محمد نوازرضا، پی ایف یوجے(ورکر) ءِ صدر ڈاکٹرسعدیہ کمال، پی ایف یوجے (رانا عظیم) ءِ  نائب صدرفرحت فاطمہ، نایاب لیب  ءِ  سی ای او ڈاکٹر ظہیرالدین شیخ ءُ دگہ ھاسیں سیاسی، چاگردی ءُ اھوالکاری مردماں بھر زرتگ۔ وفاقی وزیر ءِ اھوالکاری عطا اللہ تارڑ ءَ وتی گشتانک ءِ تہ ءَ گوشت کہ حکومت آزادی ءِ درشان ءُ ذمہ واریں اھوالکاری ءِ سر ءَ مھکمیں ایمان داریت۔ رسانکدر ءُ سرکار ءِ نیام ءَ سیادی شریکداری ءِ اِنت، نہ کہ تنازعہ ءِ۔ ما صحافت ءِ دیمروئی ءِ ھاتر ءَ ھرچ وڑیں کمک ءَ برجاہ داریں ۔ آئی ءَ نوکیں گچین بوتگیں کارندہ آناں مبارکی دات ءُ امیت سہرا کت کہ آ میڈیا انڈسٹری ءِ جیڈھ آنی گیواری ءُ اھوالکاری ءِ کوالٹی ءَ را گہتر کنگ ءِ واستہ جوانیں کرد پیلو کن اَنت۔ آئی ءَ جھان ءِ تک ءَ پاکستان ءِ سوبمندی آنی ھم ھال دات ءُ اسرائیل ءُ فلسطین ءِ نیام ءَ امن معاہدے ءِ واستہ پاکستان ءِ کوشست آنی ھم ھال دات۔ آئی ءَ گوشت کہ امریکی صدر ءِ نیمگ ءَ پاکستان ءِ توسیپ مئے حکومت ءِ کارکردگی ءِ گواہ انت۔ مراگش ءِ گڈ ءَ وزیر ءِ اھوالکاری ءَ اپنیک ءِ نیمگ ءَ ھما اھوالکار ءُ ھاسیں مردم آناں ایوارڈ ھم بھر ءُ بانگ کت کہ آھاں جوانیں کارکردگی پیش داشتگ ءُ اپنیک ءِ نوکیں سروکی ءِ گوما گروپ فوٹو ھم کش اِتگ۔ اے موہ ءِ سر ءَ یک ھاسیں مراگشے ھم برجم دارگ بوت کہ ایشی ءِ تہ ءَ سینیٹر طلحہ محمود ءَ ھاسیں مہمان ءِ بستار ءَ بھر زوری کت ءُ نوک گچین بوتگیں کارندہ آناں مبارکی دات، اپنیک ءِ کارندہ آناں اھوالکار ءُ میڈیا کارندہ آنی ھک آنی واستہ کار کنگ ءِ سر ءَ شگر ءُ منت گپت ءُ وتی سرجمیں کمک ءِ پدا زور دات۔ اے موہ ءِ سر ءَ نوک گچین بوتگیں چیئرمین صدیق انزار ءَ یک رندے پد ءَ سرجمیں ملک ءَ اھوالکار ءُ رسانکدر ءِ کارندہ آنی منت گپت کہ آیاں وتی دل یکیمی ءِ درشان کنگ ءَ پد وتی جزم ءِ پد ءَ ھم گوشت کہ اھوالکار ءُ رسانکدر ءِ کارندہ آنی ھک آنی واستہ جھد ءَ را مدام برجاہ دار ایت۔