پاکستان پیپلز پارٹی یک اتحادی پارٹی یے، ما سیادی ءَ را شرپ ءُ  ازت  ءِ نگاہاں  چاریں، مزن وزیر شہباز شریف  ءِ گوما پیپلز پارٹی ءِ چیئرمین بلاول بھٹو زرداری ءِ سروکی ءَ ڈل  ءِ  گوں گپ ءُ تران

اسلام آباد۔16اکتوبر  (اے پی پی): مزن وزیر محمد شہباز شریف ءَ گوشت کہ پاکستان پیپلز پارٹی یک اتحادی پارٹی یے کہ آئی ءِ گوما سیادی ءَ را شرپ ءُ ستا ءَ گوں چاریں ۔ اے ھیالانی درشانی آئی ءَ پیپلز پارٹی ءِ چیئرمین بلاول بھٹو زرداری ءِ سروکی ءَ ٹولی  ءَ گوں گپ ءُ تران کنان ءَ کت کہ آئی ءَ حکومت ءَ گوں گند ءُ نند کت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ ڈل ءِ تہ ءَ پاکستان پیپلز پارٹی ءِ سروک ءُ راجی اسمبلی ءِ باسک راجہ پرویز اشرف، سینیٹر شیری رحمان ، نیئر بخاری، ندیم افضل چن  ءُ  سید علی قاسم گیلانی  ھوار بوتگ اَنت۔ مزن وزیر ءَ گوشت کہ پاکستان پیپلز پارٹی مئے اتحادی پارٹی اِنت ایشی ءِ گوما ما سیادی ءَ را شرپ ءُ شرپ ءَ گوں چاریں۔ ڈل ءَ غزہ ءِ امن معاہدے ءِ تہا پاکستان ءِ کرد ءِ ھاتر ءَ مزن وزیر ءَ را خراج تحسین پیش کت۔ گند ءُ نند ءَ ملک ءِ سرجمیں سیاسی جاورانی بابت ءَ ھم گپ ءُ تران کنگ بوت۔ نائب مزن وزیر ءُ دری کارانی وزیر  اسحاق ڈار ، وزیر دفاع خواجہ محمد آصف ، وفاقی وزیر منصوبہ بندی احسن اقبال ،وفاقی وزیر قومی غذائی تحفظ رانا تنویر حسین ،  وفاقی وزیر اطلاعات و نشریات عطاء اللہ تارڑ ، وفاقی وزیر پبلک افیئرز یونٹ رانا مبشر اقبال، مشیر مزن وزیر برائے سیاسی کار رانا ثنا ء اللہ ءُ سپیکر پنجاپ اسمبلی ملک احمد خان ھم ساڑی ات۔