صدر آصف علی زرداری راولپنڈی ءَ لیفٹیننٹ کرنل جنید شہید  ءِ گس ءِ تر ءُ تاب ءَ گوں غم ءِ آماچیں ھاندان ءَ دلپدردی درشان

اسلام آباد۔16اکتوبر  (اے پی پی): صدر ءِ مملکت آصف علی زرداری ءَ راولپنڈی ءَ لیفٹیننٹ کرنل جنید شہید  ءِ گس ءِ تر ءُ تاب کتگ ءُ آئی ءِ پشومانی ءِ گوما دلپدردی ءِ درشانی کتگ۔ صدر ءِ مملکت کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ شہید  ءِ گس  ءِ مردم آنی گوما دلپدردی ءِ درشانی کتگ ءُ شہید آنی مزنیں رند ءُ شہید آناں دعا کتگ کہ آ اے  ٹوھیں  تاوان ءَ گوں صبر ءُ اوپار ءَ برداشت بہ کن اَنت۔ صدر ءِ مملکت ءَ لیفٹیننٹ کرنل جنید شہید  ءَ را شانداریں گال آنی تہ ءَ شگر ءُ منت درشان کت ءُ گوشت کہ آئی ءَ بھارت ءِ کمک ءَ گوں خوارج ناشرکار آں گوں جنگ ءِ وھد ءَ وتی فرض ءِ پیلو کنگ ءَ مثالی دلیری ءُ سروکی ءِ درشان کتگ۔ آئی ءَ گوشت کہ سرجمیں پاکستانی راج ھندوستان دوستیں، خوارج دوستیں ناشرکار آنی نا شریں منصوبگ آناں ناکام کنگ ءِ واستہ یکجا اِنت۔ صدر ءِ مملکت آصف علی زرداری ءَ گوشت کہ راج ءَ را وتی بہادریں سپاھیگ آنی سر ءَ بے دروریں شان اِنت کہ آھاں ماتیں وطن ءِ دفاع ءُ ایمنی ءِ واستہ بے دروریں قربانی داتگ، راج وتی بہادریں زھگ آنی قربانی آناں کدی شموشت نہ کنت۔ آئی ءَ اے جزم ءِ پدا زور دات کہ پاکستان ءِ شہید آنی قربانی ملک ءِ راجدپتر ءَ پہ ابد یات کنگ بنت، ءُ ملک ءَ امن ءِ برجائی ءِ واستہ شہید آنی قربانی  نمیران  نبشتہ کنگ بنت۔ صدر مملکت ءَ ناشرکاری ءِ سرجمی ءَ ھلاس کنگ ءُ ملک ءَ امن ءُ ایمنی ءِ واستہ کوشست آناں برجاہ دارگ ءِ واستہ راج ءِ جزم ءِ ھم پدر کت۔ صدر ءِ مملکت ءِ گوما وفاقی وزیر داخلہ صدال محسن نقوی ھم ھوار بوتگ۔