اسلام آباد۔16اکتوبر (اے پی پی): مزن وزیر محمد شہباز شریف ءَ غزہ ءِ ایمنیں منوگری ءِ تہا ھاسیں کرد پیلو کنگ ءُ مظلوم فلسطینی آنی توار ءَ را میاں اوستمانی تک ءَ چست کنگ ءِ ھاتر ءَ درستیں مسلم ملک ھاسیں رنگ ءَ سعودی عرب ءِ کرد ءَ را ساڑات۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ …
مزن وزیر شہباز شریف ءَ مسلم ورلڈ لیگ ءِ سیکرٹری جنرل ءُ مسلم اسکالر آرگنائزیشن ءِ چیئرمین ڈاکٹر محمد بن عبدالکریم العیسیٰ ءَ گوں گند ءُ نند کتگ
گیشتریں ھال
اسلام آباد۔16اکتوبر (اے پی پی): مزن وزیر محمد شہباز شریف ءَ غزہ ءِ ایمنیں منوگری ءِ تہا ھاسیں کرد پیلو کنگ ءُ مظلوم فلسطینی آنی توار ءَ را میاں اوستمانی تک ءَ چست کنگ ءِ ھاتر ءَ درستیں مسلم ملک ھاسیں رنگ ءَ سعودی عرب ءِ کرد ءَ را ساڑات۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر گس ءَ مسلم ورلڈ لیگ ءِ سیکرٹری جنرل ءُ مسلم اسکالر آرگنائزیشن ءِ چیئرمین ڈاکٹر محمد بن عبدالکریم العیسیٰ ءَ مزن وزیر محمد شہباز شریف ءَ گوں گند ءُ نند کتگ۔ مزن وزیر ءَ پاکستان ءَ آیگ ءِ سر ءَ سیکرٹری جنرل ءَ را وش اتک کت ءُ آئی ءِ پکر مندیں سروکی ءِ توسیپ کت۔ مزن وزیر ءَ گوشت کہ مسلم ورلڈ لیگ ءِ جہانی تک ءَ اسلام ءِ راستیں پجار ءِ دیمروئی ءِ تہ ءَ سک باز ھاسیں کرد پیلو کنگ ءَ اِنت ءُ مسلم دگنیا ءِ یکجائی مول ءُ مراد، مذھب، عقیدہ ءُ مسلم ورلڈ ھم تہذیب آنی نیام ءَ وت مہ وتی شرپ ءُ مفاہمت ءِ دیمروئی ءِ واستہ سک باز کوشست کنگ ءَ اِنت۔ آئی ءَ گوشت کہ اے سال مسلم ورلڈ لیگ ءِ کمک ءَ مسلم دگنیا ءِ زالبول ءُ مردین آناں وانگ ءُ زانگ ءِ ھوالگ ءَ میاں اوستمانی کانفرنس ءِ برجائی سک باز وش اتک کنگ بوتگ۔ پاکستان آیوکیں وھد ءَ اے رنگیں کانفرنس آنی برجم دارگ ءِ واستہ ھمک رنگ ءِ کمک ءَ کنت۔ مزن وزیر ءَ گند ءُ نند ءَ پاکستان ءُ سعودی عرب ءِ نیام ءَ دیریں براتی سیادی ءِ ذکر کت ءُ سعودی عرب ءِ شاہ شاہ سلمان بن عبدالعزیز ءُ سعودی ولی عہد ءُ مزن وزیر محمد بن سلمان السعود ءِ نیکیں واھگ آنی درشان کت۔ مزن وزیر ءَ غزہ ءِ امن معاہدے ءِ تہ ءَ وشیں ءُ سک باز ھاسیں کرد ءِ پیلو کنگ ءُ مظلوم فلسطینی آنی توار ءَ را میاں اوستمانی تک ءَ سرگرمیں رنگ ءَ چست کنگ ءِ واستہ درستیں مسلم ملک آنی ھاسیں رنگ ءَ سعودی عرب ءِ کرد ءِ توسیپ کت۔ ورلڈ مسلم لیگ ءِ سیکرٹری جنرل ءَ مزن وزیر ءِ پاکستان ءَ جوانیں وش اتک ءُ گامگیج ان داری ءِ پد ءَ شگر ءُ منت گپت۔ نائب مزن وزیر ءُ وزیر ءِ درئی کار ءَ مزن وزیر ءُ وزیر ءِ درئی کار ءَ گوں ھم گند ءُ نند کتگ ۔ درئی کارانی وزیر اسحاق ڈار، کانود ءُ انصاف ءِ وفاقی وزیر اعظم نظیر تارڑ ءُ پاکستان ءَ سعودی عرب ءِ سفیر نواف بن سعید المالکی ھم ھوار اتنت۔
