”برجائی  ءِ ٹھینگ“ ءِ گامگیج  ءِ چیر دستی ءَ آپریشن سرجمیں زور ءَ گوں برجاہ بیت، صدر آصف علی زرداری ءَ خیبر پختونخوا ءَ ناشرکارانی ھلاپ ءَ سوبمندیں آپریشن ءِ ھاتر ءَ سلاہ بندیں اُرد ءُ سیکورٹی ادارگ آناں توسیپ کتگ

اسلام آباد۔16اکتوبر  (اے پی پی): صدر آصف علی زرداری ءَ خیبر پختونخوا ءَ ناشرکار آنی ھلاپ ءَ سوبمندیں آپریشن آنی سر ءَ سلاہ بندیں اُرد ءُ سیکورٹی ادارگ آناں توسیپ کنان ءَ گوشت کہ ’’برجائی  ءِ ٹھینگ‘‘ ءِ گامگیج  ءِ چیر دستی ءَ آپریشن سرجمیں زور ءَ گوں برجاہ بیت۔ پنچ شمبے ءِ روچ ءَ صدارتی ایوان ءِ پریس ونگ ءِ رد ءَ صدر ءِ مملکت ءَ گوشت کہ شمالی ءُ جنوبی وزیرستان ءُ بنو ءَ ناشرکار آنی ھلاپ ءَ سوبمندیں آپریشن فخر ءِ گپ اِنت، ءُ سیکورٹی فورسز ءِ وھد ءِ سر ءَ کارروائی ءَ چہ ملک ءِ امن ءُ ایمنی ءِ جاور ھال گہتر بوتگ اَنت۔ ناشرکاری ءِ سرجمیں ھلاسی ءَ تاں آپریشن برجاہ دارگی انت۔ صدر آصف علی زرداری ءَ گشتگ کہ ریاست ہندوستان ءِ حمایت کتگیں فتنہ الخوارج  ءُ فتنہ ہندستان ءَ را چہ رند ءَ کشیت ءُ ”برجائی  ءِ  ھد ءُ ابیل  “گامگیج  ءِ چیر دستی ءَ آپریشن گوں سرجمیں زور ءَ برجاہ بیت۔ راج وتی سیکورٹی فورسز ءِ گوما اوشتاتگ ءُ ھمک رنگ ءِ ناشرکاری ءَ را چنل ءَ چہ کش ایت۔