اسلام آباد۔ 16 اکتوبر (اے پی پی) وزیراعظم محمد شہباز شریف خیبرپختونخوا نا چندی علاقہ غاتیٹی سیکورٹی آپریشن اٹی بھارتی مخ تف فتنۃ الخوارج نا کیہی دہشت گرد آتا خلنگ آ سیکورٹی فورس آتے خراج تحسین پیش کرساپارے کہ سیکورٹی فورس آک تینا کسبی مہارت اٹ دہشت گرد آتا عزم ءِ مش تا کریر ۔ پی ایم آفس نا میڈیا ونگ آن پنچ شنبے نادے آ جاری بیان نا …
وزیراعظم محمد شہباز شریف نا خیبرپختونخوا نا چندی علاقہ غاتیٹی آپریشن اٹی بھارتی مخ تف فتنۃ الخوارج نا دہشت گرد آتا خلنگ آ سیکورٹی فورس آتے خراج تحسین
گیشتریں ھال
اسلام آباد۔ 16 اکتوبر (اے پی پی) وزیراعظم محمد شہباز شریف خیبرپختونخوا نا چندی علاقہ غاتیٹی سیکورٹی آپریشن اٹی بھارتی مخ تف فتنۃ الخوارج نا کیہی دہشت گرد آتا خلنگ آ سیکورٹی فورس آتے خراج تحسین پیش کرساپارے کہ سیکورٹی فورس آک تینا کسبی مہارت اٹ دہشت گرد آتا عزم ءِ مش تا کریر ۔ پی ایم آفس نا میڈیا ونگ آن پنچ شنبے نادے آ جاری بیان نا رداٹ وزیراعظم پارے کہ سپن وام ، سویلی وزیرستان و بنوں ٹی سیکورٹی فورس آک 34 بھارتی مخ تف دہشت گرد آتے جہنمی کرسا تینا کسبی مہارت نا شاہدی ءِ تسر و دہشت گرد آتا عزم ءِ مش تا کریر۔ وزیراعظم پارے کہ پاکستانی الس نا رکھ و ملکی سالمیت نا خاطر دہشت گردی نا برخلاف ہرممکن گام گیج کننگک۔ اوپارے کہ ملک آن دہشت گردی نا عفریت نا پورو چٹفنگ اسکان انسداد دہشت گردی مہم پورو تحریک اتون برجاسلک۔ حکومت پاکستان ملک آن دہشت گردی نا پورو چٹفنگ کن سنبرینگوک ءِ۔
