شہیدِ ملت لیاقت علی خان نا دیانت، قومی یکجہتی و جمہوری اصول آتون وابستگی اینو ہم کسر نا ڈیواءِ، صدر مملکت آصف علی زرداری

اسلام آباد۔ 16 اکتوبر (اے پی پی) صدرِ مملکت آصف علی زرداری شہیدِ ملت لیاقت علی خان ءِ اونا کزیہ دے آ شاندار لوز آتیٹی خراج عقیدت پیش کرساپارینے کہ اونا دیانت، قومی یکجہتی و جمہوری اصول آتون وابستگی اینو ہم کسر نا ڈیواءِ، او پاکستان نا جوڑ مننگ آن پد ملک انا تعمیر و سوگوی کن تاریخی خذمت سرتس۔ پنچ شنبے نادے آایوان صدر نا پریس ونگ انا رداٹ صدرمملکت پارے کہ لیاقت علی خان نا دیانت، قومی یکجہتی و جمہوری اصول آتون وابستگی اینو ہم کسر نا ڈیواءِ۔اوشہید ملت لیاقت علی خان نا قومی خذمت آتیا اودے خراج عقیدت پیش کرساپارے کہ قوم ءِ تینا بانی راہشون تا روشنا اصول آتیان راہشونی بایدے دوئی کرسا کننگے۔ صدر مملکت آصف علی زرداری دعاکرے کہ اللہ تعالیٰ شہیدِ ملت لیاقت علی خان نا درجہ غاتے بڑزکے۔