پاکستان نا پندار ہائی کمشنر عرفان شوکت آسٹریلیا نا گورنر جنرل سم موسٹن ءِ تینا اسنادِ سفارت پیش کرے

اسلام آباد۔ 16 اکتوبر (اے پی پی) آسٹریلیا ٹی پاکستان نا پندار ہائی کمشنر عرفان شوکت آسٹریلیا نا گورنر جنرل سم موسٹن ءِ پنچ شنبے نادے آ تینا اسنادِ سفارت پیش کرے۔ داوخت آ آسٹریلیا نا گورنمنٹ ہاؤس اٹی اسہ پروقار دوداسنادِ سفارت اس  اڈہلک۔ آسٹریلیا ٹی پاکستان نا ہائی کمیشن نا کنڈآن جاری بیان نا رداٹ ہائی کمشنر عرفان شوکت داوخت آ گپ وتران کرسا پارے کہ پاک آسٹریلیا تعلقداری تے سیاسی، زرگزرانی، تعلیمی و سائنسی بشخ آتیٹی سوگو کیک۔ اوپارے کہ پاکستانی کمیونٹی نا ہڑتوم آملک آتا نیام اٹ ہڑتوم آ کنڈآتا رابطہ غاتے ودفنگ اٹ اہم کڑد اسے۔ ہائی کمشنر عرفان شوکت تین پہ تینی کمکاری و السی رابطہ غاتے ودفنگ آ زور شاغا، اوڑدہی ٹی ہڑتوم آکنڈآتا تعلقداری تے پین سوگو کننگ نا عزم انا ہم درشانی ءِ کننگا۔ ہائی کمشنر عرفان شوکت ہڑتوم آ کنڈآتا تعلقداری ٹی ریسرچ و تعلیم نا اہمیت آ زور شاغسا پارینے کہ پاکستانی کمیونٹی ہڑتوم آملک آتا نیام اٹ سوگو پول انا کڑد ادا کننگ ءِ۔