چیئرمین سید  یوسف رضا گیلانی  ءِ پیغام ءِ تہ ءَ جھان ءِ وردن ءِ روچ ءِ سر ءَ ، گریبی ءِ ھلاسی ءُ وردن ءِ ایمنی ءِ واستہ یکجاھیں کوشست آنی سر ءَ زور پر دیگ بوتگ

اسلام آباد۔16اکتوبر  (اے پی پی): چیئرمین سید یوسف رضا گیلانی  ءَ راجی ءُ جھان ءِ تک ءَ گریبی ءِ ھلاسی، فوڈ سیکیورٹی ءِ دیمروئی ءُ پائیدار زرعی رھبند آناں وتی کنگ ءِ واستہ راجی ءُ جھان ءِ تک ءَ یکجائی کوشست کنگ ءِ ضلورت ءِ سر ءَ زور پر دات ءُ گوشت کہ جوانیں ءُ وشیں وردن ءِ رسگ بنی آدمی ھک اِنت۔ پنچ شمبے ءِ روچ ءَ سیکرٹریٹ ءِ نیمگ ءَ جاڑی بوتگیں بیان ءِ رد ءَ آئی ءَ ورلڈ فوڈ ڈے ءِ موہ ءَ وتی پیغام ءِ تہ ءَ اقوام متحدہ ءِ پائیدار دیمروئی ءِ مول ءُ مراد آنی تہ ءَ ’’صفر بھوک‘‘ ءِ مول ءُ مراد ءِ سر ءَ سر بوھگ ءِ واستہ پاکستان ءِ عزم ءِ یک رندے پدر کت۔ چیئرمین یوسف رضا  گیلانی  ءَ گوشت کہ موسمیاتی بدلی، آبادی ءِ تہ ءَ گیشی ءُ وردن ءِ نرخ آنی تہ ءَ گیشی ءِ چیلنج آناں جوانیں رنگ ءَ گیواری ءِ واستہ حکومت، نجی شعبہ، سول سوسائٹی ءُ میاں اوستمانی شریک آنی نیام ءَ کمک ءَ را گیش مھکم کنگ المی اِنت۔ آئی ءَ پالیسی ساز ءُ سٹیک ہولڈر آنی سر ءَ زور پر دات کہ آ راجی دیمروئی، زرعی نوآبادیاتی، ءُ منصفانہ وردن ءِ بھمک ءُ بانگ ءِ نظام ءِ تہ ءَ سرمایہ کاری ءَ را اولیت بہ دنت۔ چیئرمین ءَ گیش گوشت کہ ھمک شہری ءَ را ایمن ءُ وشھالیں وردن ءِ پھجاری یک جان سلامت، وشھال ءُ دیمروئی کتگیں پاکستان ءِ بُن ھشت اِنت۔ آئی ءَ گوشت کہ بیا اِت ما درست یک انچیں دگنیا ءِ واستہ کار کنگ ءِ عہد ءَ بہ کن ایں کہ اودا کس گُرس مہ بیت ءُ ہرکس شرپ ءُ شرپ ءِ گوما زندگ بوت کنت۔