وفاقی وزیر داخلہ محسن نقوی ءَ آسٹریلیا ءِ ہائی کمشنر ءَ گوں گند ءُ نند کتگ، کوسٹ گارڈز، بارڈر مینجمنٹ ءُ بنی آدمی سمگلنگ  ءِ گر ءُ دار ءِ تہا کمک ءَ را گیش موثر جوڑ کنگ ءِ سرا تپاک کتگ

اسلام آباد۔16اکتوبر  (اے پی پی): وفاقی وزیر داخلہ محسن نقوی ءَ گوں آسٹریا ءِ ہائی کمشنر نیلی ہاکنز ءَ گند ءُ نند کت، ایشی ءِ ساھت ءَ پاک آسٹریا ءِ سیادی، وت مہ وتی کمک ءِ دیمروئی ءُ جتا جتائیں پڑ آنی تہ ءَ کمک ءِ تہ ءَ گیشی ءِ سر ءَ سرجمیں گپ ءُ تران کنگ بوت۔ گند ءُ نند ءَ کوسٹ گارڈز، بارڈر مینجمنٹ ءُ بنی آدمی قاچاق ءِ گر ءُ دار ءِ تہ ءَ کمک ءَ را گیش موثر جوڑ کنگ ءِ سر ءَ ھم تپاک کنگ بوتگ۔ آسٹریلیا ءِ ہائی کمشنر ءَ ناشرکاری اُرش ءُ انوگیں بدبھتیں وئیل آنی تہ ءَ پولیس ءِ کارندہ ءُ سیکورٹی فورسز ءِ کارندہ آنی شھید بوھگ ءِ سر ءَ سک باز رنج ءُ گم ءِ درشانی کتگ۔ ہائی کمشنر نیلی ہاکنز ءَ وزیر داخلہ محسن نقوی ءِ سروکی ءَ اسلام آباد ءِ وشحالی ءُ دیمروئی منصوبگ آنی توسیپ کت ءُ گوشت کہ ایشاں شہر ءَ مزنیں گہتری یے آؤرتگ۔ آئی ءَ قذافی اسٹیڈیم ءِ جوانیں بحالی ءِ ھم توسیپ کت ءُ گوشت کہ پاکستان ءَ گوازینتگیں وھد یاتگار اِنت وھدیکہ لاہور ءِ منش دربر بی بی پاک دامن آئی ءِ دوست تریں جاگہ ​​اِنت۔ نیلا ہاکنز ءَ گوشت کہ استیں دور ءَ پاکستان ءِ میاں اوستمانی شرپ ءُ بستار ءَ باز گیشی بوتگ۔ اے موہ ءِ سر ءَ تہی کارانی وزیر محسن نقوی ءَ گوشت کہ پاکستان ناجائزیں مہاجرین ءِ دلپروش کنگ ءُ قانونی مہاجرین ءِ دیمروئی ءِ واستہ جزمیگ انت۔ ھما مردم کہ غیرقانونی رنگ ءَ ملک ءَ رو اَنت آ وتی واتر بوھگ ءَ پد سکیں قانونی کارروائی ءِ آماچ بنت۔ آئی ءَ اے گپ ءِ پدرائی کت کہ بنی آدمی سوداگری ءَ ہواریں عناصر ءَ گوں لوہے ءِ مٹّی ءَ گوں کار کنگ بوھگ ءَ اِنت۔ وزیر داخلہ ءَ دو نیمگی سیادی ءَ را دیمروئی دیگ ءِ واستہ آسٹریلیا ءِ ہائی کمشنر نیلا ہاکنز ءِ کوشست آناں ساڑات ءُ وتی آیوکیں باندات ءِ واستہ وتی واھشت آنی درشان کت۔ اے موہ ءِ سر ءَ وزیر ءِ مملکت طلال چوہدری، وفاقی سیکرٹری ہوم خرم آغا ءُ آسٹریلوی ہائی کمیشن ءِ مزنیں کارندہ ھم ھوار اتنت۔