راجی اسمبلی ءِ جھان ءِ ورگ ءِ روچ ءِ سر ءَ پیغام ءِ تہ ءَ گْوشگ بیتگ کہ ورگ ءِ آسراتی ھمک بنی آدم ءِ بنیاتی ھک اِنت

اسلام آباد۔16اکتوبر  (اے پی پی): قومی اسمبلی ءِ سپیکر  سردار ایاز صادق ءَ گوشت کہ وردن ءِ آسانی ءَ گوں رسگ ھمک بنی آدم ءِ بنیاتی ھک اِنت، کشت ءُ کشاری وت واجہی یک مھکمیں معیشت ءِ بُن ھشت اِنت ءُ وردن ءِ کمی ءِ ھلاسی ءِ واستہ الس، حکومت ءُ پارلیمنٹ ءَ را یکجائی کرد پیلو کنگ لوٹ ایت۔ اکتوبر ءَ ورلڈ فوڈ ڈے ءِ روچ ءَ وتی پیغام ءِ تہ ءَ آئی ءَ گوشت کہ اے سال ءِ ورلڈ فوڈ ڈے ءِ بنگپ ’’گہتریں وردن ءُ شریں آیوکیں وھد ءِ واستہ دست مہ  دست‘‘ جوانیں پیغام اِنت۔ خوراک ءِ کمی یک جھان ءِ چیلنج اِنت کہ ایشی ءِ گیش ءُ گیوار ءِ ھاترا یکجائی گامگیج زورگ لوٹ اَنت۔ پائیدار زرعی طریقہ کار ءِ بغیر خوراک ءِ وت واجہی ممکن نہ انت۔ وردن ءُ وراک ءِ کمی ءِ ھلاسی ءِ واستہ حکومت، پارلیمنٹ ءُ الس ءَ یکجائی ءَ کرد پیلو کنگی انت۔ آئی ءَ گوشت کہ وردن ءِ وت مہ وت یک مھکمیں معیشت ءِ بُن ھشت اِنت۔ اے وھد ءِ لوٹ اِنت کہ کشت ءُ کشاری ءِ نوکیں رھبنداں زورگ ءِ ھاترا کشت ءُ کشاری ءِ ھاترا دلبڈی دیگ بہ بیت۔ آئی ءَ گوشت کہ وردن ءُ وراک ءِ وسیلگ آنی جوانی ءَ کارمرد کنگ ءَ چہ گریبی ءُ گریبی ءَ را کم کنگ بوت کنت۔ اے المی انت کہ کشت ءُ کشاری ءَ را بااختیار کنگ بہ بیت کہ آ کھان ءِ پیداوار ءَ گیش بہ کن انت۔ کھان ءِ کمی ءِ سرا غلبہ حاصل کنگ ءِ ھاترا کھان ءِ ضیاع ءَ را رکّینگ المی اِنت۔ موسمیاتی بدلی زرعی پیداوار ءَ را متاثر کنگ ءَ انت، ایشی ءِ گیواری ءِ ھاتر ءَ ترندیں گامگیج المی انت۔ حکومت موسم دوستیں کشت ءُ کشاری ءِ دیمروئی ءِ واستہ گامگیج کنگ ءَ انت۔ آبپاشی ءِ نوکیں رھبنداں کارمرز کنان ءَ ھشکیں زمیناں آباد کنگ بیت کنت۔ پارلیمنٹ فوڈ سیکیورٹی ءِ ھوالگ ءَ کانود جوڑ کنگ ءِ ھاترا جزم اِنت۔