راولپنڈی۔15اکتوبر (اے پی پی):اوگانستان ءِ زوراکی ءِ رد ءَ پاکستانی اُرد ءَ ژوب ءُ چمن ءِ شوبگ ءَ جنگول آنی بازیں پوسٹ ءُ پناہ گاہ سرجم ءَ ھلاس کتگ اَنت۔ سیکورٹی وسیلگ ءِ رد ءَ پاکستانی اُرد اوگان طالبان ءِ ھلاپ ءَ جتا جتائیں شوبگاں سرجمیں رنگ ءَ جوابی اُرش کنگ ءَ اِنت۔ پاکستانی لشکر ءِ جوابی اُرشانی تہ ءَ مزنیں توپ خانہ ھم کارمرد کنگ بیگ ءَ اِنت۔ …
پاک فوج ءَ اوگان طالبان ءِ ھلاپ ءَ جتا جتائیں شعبہ آنی تہ ءَ سرجمیں رنگ ءَ جوابی اُرش بندات کتگ
گیشتریں ھال
راولپنڈی۔15اکتوبر (اے پی پی):اوگانستان ءِ زوراکی ءِ رد ءَ پاکستانی اُرد ءَ ژوب ءُ چمن ءِ شوبگ ءَ جنگول آنی بازیں پوسٹ ءُ پناہ گاہ سرجم ءَ ھلاس کتگ اَنت۔ سیکورٹی وسیلگ ءِ رد ءَ پاکستانی اُرد اوگان طالبان ءِ ھلاپ ءَ جتا جتائیں شوبگاں سرجمیں رنگ ءَ جوابی اُرش کنگ ءَ اِنت۔ پاکستانی لشکر ءِ جوابی اُرشانی تہ ءَ مزنیں توپ خانہ ھم کارمرد کنگ بیگ ءَ اِنت۔ توپ خانہ ءِ مزنیں توپان ءِ سبب ءَ اوگان طالبان ءِ بازیں پوسٹ ءُ پناہ گاہ زمین ءَ چہ ھلاس بوتگ انت۔ پاک لشکر ءِ کارروائیانی وھد ءَ بازیں اوگان طالبان ٹپی ءُ بیران بوتگ اَنت۔ پاکستانی لشکر ءَ اوگان طالبان ءِ پوسٹ گوں مارٹر ءِ تیرگواری ءَ سک باز نشانگ جوڑ کتگ اَنت کہ ایشی ءَ چہ بازیں پوسٹ تباہ بوتگ اَنت۔ پاکستانی لشکر ءِ جوابی اُرشانی سبب ءَ اوگان طالبان ءَ را جانی ءُ مال ءِ لحاظ ءَ مزنیں تاوانے رسگ ءَ اِنت۔ مارٹر ءِ آتشزدگی ءَ پد دیراں دمگ ءَ دود ءِ جمبر ءُ تراک ءِ توار ٹیلینگگ ءَ اتنت۔ پاکستانی فوج ھرچ وڑیں درائیں زوراکی ءِ سرا لائکیں پسو دیگ ءِ سرجمیں توان ءَ دار ایت۔
