وفاقی وزیر خزانہ محمد اورنگزیب ءَ سی این بی سی ءَ گوں تران کنان ءَ گوشت کہ پاکستان ءَ معیشت ءِ برجائی ءِ تہ ءَ مزنیں دیمروئی کار  کتگ، ایشی ءِ تہ ءَ زرّ ءِ شرح ءِ برجائی، درملکی زرّ ءِ ذخائر ءَ گہتری ءُ افراط زر ءِ تہ ءَ کمی بوتگ

اسلام آباد۔15اکتوبر  (اے پی پی): وفاقی وزیر خزانہ ءُ آمدنی سینیٹر  محمد اورنگزیب ءَ گوشت کہ اقتصادی برجائی ءُ کوکا ءِ گہتری کار یکے دومی ءِ ھست نہ بوھگ ءَ نا سرجم انت۔ ٹیکس ءِ نظام، توانائی ءِ شوبگ، سرکاری ادارگ آنی نوکیں رنگ ءُ دروشم ءُ سرکاری مالیات ءِ تہ ءَ برجاھیں گہتری کار اے ایجنڈا ءِ یک جتائیں بھرے اَنت۔ گہتری کار ءِ گامگیج ءُ معاشی لبرل ازم ءَ چہ رپک ءُ رھبند جوڑ کنگ بیت کنت۔ آئی ءَ اے گپ واشنگٹن ڈی سی ءَ سی این بی سی ءَ گوں ھاسیں گپ ءُ تران ءِ تہ ءَ میاں اوستمانی مالیاتی فنڈ ءُ ورلڈ بینک ءِ ھمک سالی دیوان آنی ساھت ءَ کت۔ وزیر خزانہ ءَ پاکستان ءِ برجاھیں آئی ایم ایف پروگرام ءُ برآمدات ءِ سروکی ءَ دیمروئی ءِ حکمت عملی ءِ سر ءَ تران کنان ءَ گوشت کہ گوستگیں یک سال ءِ تہ ءَ پاکستان ءَ میکرو اکنامک برجائی ءِ نیمگ ءَ مزنیں دیمروئی کار  کتگ، ایشی ءِ تہ ءَ زرّ ءِ شرح ءِ تہ ءَ گہتری، زرّ ءِ ذخائر ءِ تہ ءَ گہتری، افراط زر ءِ تہ ءَ کمی ءُ اقتصادی شرح ءِ تہ ءَ گہتری ءِ اشارہ ھوار اَنت۔ سئے مزنیں گلوبل کریڈٹ ریٹنگ ایجنسی آنی نیمگ ءَ پاکستان ءِ ریٹنگ آنی تہ ءَ گہتری ملک ءِ اقتصادی رھشونی ءُ گہتری کار ءِ ایجنڈا ءِ سر ءَ گلوبل اعتماد ءِ درشان اِنت۔ آئی ءَ گوشت کہ پاکستان ءِ استیں گہتری کار ءِ عمل یک متوازن حکمت عملی ءِ سر ءَ بنیات اِنت ایشی ءَ چہ اقتصادی برجائی ءَ را گہتریں کوکا ءِ گہتری کار ءَ گوں ھمگرنچ کنگ ءَ اِنت۔ اقتصادی برجائی ءُ کوکا ءِ گہتری کار یکے دومی ءِ ہست نہ بوہگ ءَ نا سرجم انت۔ ہاں ٹیکس ءِ نظام، توانائی، سرکاری ادارگ ءُ سرکاری مالیات ءِ تہا جاری گہتری کار اے ایجنڈا ءِ بنیاتی بھمک انت۔ وزیر خزانہ ءَ گوشت کہ حکومت گوستگیں وھد ءِ بوم ءُ بسٹ ءِ ردوم ءِ اقتصادی چکر ءَ چہ درآھگ ءِ واستہ جزم اِنت ءُ ملک ءَ را درآمدات ءِ سر ءَ انحصار کنگ ءِ بدل ءَ برآمدات ءِ سروکی ءَ دیمروئی ءِ نیمگ ءَ رھادگ کنگ بوھگ ءَ اِنت۔ ٹی آر ایف ءِ گہتری کار ءِ چیر دستی ءَ یک جامع نظام ءِ سر ءَ عمل کنگ بوھگ ءَ اِنت، ایشی ءِ مول ءُ مراد صنعتی مقابلہ ءِ تہ ءَ گیشی، خام مال ءُ سرمایہ کاری ءِ سامان آنی ھرچ ءُ درچ ءَ را کم کنگ ءُ برآمداتی شوبگ ءِ دلبڈی اِنت۔ سیکرٹری اورنگزیب ءَ جھان ءِ تجارتی جاور ھال ءِ رد ءَ پاکستان ءِ پالیسی ءِ ترجیحات ءِ ھوالگ ءَ گوشت کہ ھمک ملک وتی اقتصادی ترجیحات ءِ رد ءَ پالیسی زورگ ءَ انت بلے پاکستان ءِ دلگوشی تحفظ پسندی ءِ بدل ءَ مقابلہ ءِ توانائی آناں گیش کنگ ءِ سر ءَ انت۔ ما صنعتاں سرجمیں تحفظ دات نہ کنیں، مئے مول ءُ مراد ایش انت کہ آ مقابلہ ءِ ھاترا، دیمروئی ءُ برآمد ءِ ھاترا تیار بہ بنت۔ وزیر ءِ ھزانگ ءَ امریکہ ءِ گوما مھکمیں شریکی ءَ را ساڑات ءُ پاکستان ءِ گہتری کار ءِ کوشست آنی تہ ءَ کمک ءِ واستہ ورلڈ بینک گروپ ءِ شگر ءُ منت گپت۔ وزیر خزانہ ءَ گوشت کہ پاکستان ءَ برجاھیں اقتصادی گہتری کار ءِ گامگیج ءُ اقتصادی لبرل ازم ءَ چہ سنگاپور ءِ رنگ ءَ مشرقی بلاک ءِ بنیات ایر کنگ بوت کنت، یک انچیں پڑ ءِ تہ ءَ ملک ایندگر نوک دراتکگیں معیشت آنی وڑ ءَ برآمدات ءِ سروکی ءَ اقتصادی توسیپ ءِ ماڈل ءِ نیمگ ءَ دیم ءَ شُت کنت۔ سینیٹر  محمد اورنگزیب ءَ یک رندے پدا گوشت کہ پاکستان جاری گہتری کار ءِ ایجنڈا ءِ برجاہ دارگ، اقتصادی مھکم ءُ برآمدات ءِ سروکی ءَ پائیدار دیمروئی ءِ واستہ جزم اِنت۔ ما گہتری کار ءِ عمل ءَ را برجاہ داراں، معیشت ءَ را برجم داریں ءُ پاکستان ءَ را یک مھکم ءُ دیمروئی کنوکیں معیشت ءِ رنگ ءَ پیش کناں۔