رومانیہ ءَ پاکستان ءِ نامینتگیں سفیر الیاس  محمود نظامی ءَ صدر آصف علی زرداری ءَ گوں گند ءُ نند

اسلام آباد۔15اکتوبر  (اے پی پی): رومانیہ ءَ پاکستان ءِ نامینتگیں سفیر الاس محمود نظامی ءَ صدر آصف علی زرداری ءَ گوں صدارتی ایوان ءَ گند ءُ نند کت۔ صدارتی ایوان ءِ پریس ونگ ءِ نیمگ ءَ جاڑی بوتگیں پریس ریلیز ءِ رد ءَ صدر ءِ مملکت ءَ سفیر الیاس محمود نظامی ءَ را رومانیہ ءَ پاکستان ءِ سفیر ءِ بستار ءَ نامینگ ءِ سر ءَ مبارک بات داتگ ءُ گوشت کہ اے سال پاکستان ءُ رومانیہ ءِ نیام ءَ سفارتی سیادی ءِ برجائی ءِ 60 سال سرجم اِنت۔ صدر آصف علی زرداری ءَ تجارت، سرمایہ کاری، دود ءُ ربیدگ ءُ مردم آنی نیام ءَ رابطہ آنی تہ ءَ کمک ءِ دیمروئی ءِ سر ءَ زور پر دیان ءَ نامینتگیں سفیر ءَ را اقتصادی سفارتکاری ءَ را اولیت دیگ ءِ ہدایت کت تانکہ دو نیمگی تجارت ءَ را گیش بوت کنت۔ صدر ءِ مملکت ءَ جوانیں ھاٹیگ ،   ٹیکنالوجی ءُ کشت ءُ کشاری ءِ شوبگ آنی تہ ءَ موہ آناں پٹ ءُ پول کنگ ءِ ارزشت ءِ سر ءَ زور پر دات۔ صدر ءِ مملکت ءَ 2025 ءِ تجارتی ءُ اقتصادی کمک ءِ معاہدے ءِ جوانیں رنگ ءَ عمل درآمد ءِ ارزشت ءِ سر ءَ زور پر دیان ءَ گوشت کہ پاکستان ءُ رومانیہ ءِ نیام ءَ کاروباری سیادی آناں دیمروئی دیگ ءَ چہ دو نیمگی سیادی ءَ را گیش مھکم بیت۔ صدر آصف علی زرداری ءَ پاکستانی دود ءُ ربیدگ، آرٹ ءُ میراث ءَ را برجا کنگ ءُ اوورسیز پاکستانی آں گوں رابطہ آناں گیش کنگ ءِ ضلورت ءِ سر ءَ ھم زور پر دات۔