پاک اُرد ءِ سروک فیلڈ مارشل سید عاصم منیر ءَ صدر آصف علی زرداری ءَ گوں گند ءُ نند

اسلام آباد۔15اکتوبر  (اے پی پی): آرمی اسٹاف ءِ سروک فیلڈ مارشل سید عاصم منیر ءَ صدر آصف علی زرداری ءَ گوں ایوان ءِ صدر ءَ گند ءُ نند کت۔ چار شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ گند ءُ نند ءِ ساھت ءَ فیلڈ مارشل ءَ ملک  ءِ مستر  ءَ را ملک ءِ سرجمیں اندری ءُ درائیں ایمنی ءِ چاگرد ءِ بابت ءَ سرپد کتگ۔ آئی ءَ صدر ءَ را اوگان طالبان حکومت ءِ زھرناکیں ءُ جنگ ءُ چوپی  کارروائی آنی سبب ءَ پیداکیں انوگیں سیکورٹی جاور ھال ءِ ھوار پاکستان ءِ سلاہ بندیں اُرد ءِ ترند ءُ جوانیں پسو ءِ بابت ءَ ھم سرپد کت۔ صدر ءِ مملکت آصف علی زرداری ءَ پاک سلاہ بندیں اُرد ءِ مھکمی، بہادری، صلاحیت ءُ تیاری ءِ سر ءَ سرجمی ءَ دل یکیمی ءِ درشان کت۔ آئی ءَ ملک ءِ سیمسر آنی رکھینگ ءُ اوگان سیمسر ءِ سر ءَ سیمسر ءِ سرا اُرش آنی دیم ءَ دارگ ءِ تہ ءَ آھانی کزبی ازم کاری آنی توسیپ کت۔  صدر ءِ مملکت ءَ یک رندے پدا گوشت کہ پاکستان ھمک قیمت ءَ وتی راجی وت واجہی ءُ دمگی یکوئی ءِ دیمپانی  ءَ کنت۔