پاکستان بھلو گیشتری اسے اٹ 2026 آن 2028 نا مد اکن انسانی حق کونسل نا باسک گچین مسنے، نائب وزیراعظم و وزیرخارجہ

اسلام آباد۔ 15 اکتوبر (اے پی پی) نائب وزیراعظم و وزیرخارجہ سینیٹر محمد اسحاق ڈار پارینے کہ پاکستان اللہ تعالیٰ نا فضل وکرم اٹ بھلو گیشتری اسے اٹ 2026 آن 2028 نا مد اکن انسانی حق کونسل نا باسک گچین مسنے۔ چارشنبے نادے آ’’ایکس‘‘ آ پوسٹ اٹی او پارے کہ پاکستان نا مخ تفی کن اقوام متحدہ نا غٹ باسک ملک آتا است انا ہب اٹ منتواری ءِ ہرفیوہ۔ نائب وزیراعظم و وزیرخارجہ سینیٹر محمد اسحاق ڈار پارے کہ پاکستان نا گچین کاری جہانی انسانی حق انا فریم ورک ءِ سوگو کننگ اٹ اونا سوگو ساکھ انا درستی راستی و شریداری نا اعتراف ءِ۔ اوپارے کہ پاکستان جہانی برادری تون جنگ بندی، رواداری، شرف، آفاقیت، امنائی سلاہ نا تعمیر و مشغولیت نا بنداو آکاریم کننگ نا تینا عزم انا درشانی ءِ کیک۔