سٹاف لیول معاہدہ جہانی مالیاتی نا فنڈ انا پاکستان نا زرگزرانی شونداری نا کچ، ادارہ جاتی اصلاحات آ است جمی و حکومتی پالیسی تیا پت انا درشانی ءِ، وزیراعظم شہباز شریف

اسلام آباد۔ 15 اکتوبر (اے پی پی) وزیراعظم محمد شہباز شریف پاکستان و جہانی مالیاتی فنڈ (آئی ایم ایف) نا نیام اٹ ایکسٹینڈڈ فنڈ فیسلیٹی و ریزیلیئنس اینڈ سسٹین ایبلٹی نا بابت اسہ ارب ڈالر فنڈ اکن سٹاف لیول معاہدہ طے مننگ آ است جمی نا درشانی ءِ کرسا پارے کہ اسٹاف لیول معاہدہ پاکستان نا میکرواکنامک ٹک آتیٹی مروک آ گچینی نا ڈیک ءِ۔ چارشنبے نادے آپی ایم آفس نا میڈیا ونگ آن جاری بیان نا رداٹ سٹاف لیول معاہدہ جہانی مالیاتی نا فنڈ پاکستان نا ترندی اٹ گچین مروک زرگزرانی حالیت آتیا پت انا درشانی ءِ ، دا آئی ایم ایف نا پاکستان نا زرگزرانی شونداری نا کچ، ادارہ جاتی اصلاحات آ است جمی و حکومتی پالیسی تیا پت انا درشانی ءِ۔ وزیراعظم پارے کہ بنجائی وزیر خزانہ، وزیر مملکت خزانہ ، بنجائی سیکرٹری خزانہ و اوفتا غٹ ٹیم تحسین نا حقدار ءُ، ہرافتا خواری نا سوب آئی ایم ایف تون دامعاہدہ طے مس، زرگزران سہی کنڈآ ہِننگ ءِ، ملک انا شونداری و شونہالی کن غٹ تر گام گیج کینہ۔