پاک فوج چمن نا علاقہ سپن بولدک اٹی اوغان طالبان و فتنۃ الخوارج نا جلہو آتے بے سہب کرے، 15 آن 20 زوال

راولپنڈی۔ 15 اکتوبر (اے پی پی) پاک فوج چمن نا علاقہ سپن بولدک اٹی اوغان طالبان و فتنۃ الخوارج نا جلہو آتے بے سہب کرے، 15 آن 20 اوغان طالبان تے زوال کننگانے، اوغان طالبان و فتنۃ الخوارج نا دہشت گرد آک پاک اوغان سنگتی گیٹ ءِ تینا کنڈآ اڑائفیر۔ چارشنبے نادے آ سیکورٹی حوالی نا رداٹ اوغان طالبان و فتنۃ الخوارج نا کنڈآن 3 ہند آتیا سہب انا وختی جلہو کننگا، پاک فوج انا گچین ورندی کارروائی دا اوغان طالبان تے پسپا مننگ آ بیوس کرے۔ اوغان طالبان و فتنۃ الخوارج نا دہشت گرد آک خلق و کودک مخلوق ءِ ڈھال انا وڑاٹ کاریم اٹ اتنگ ءُ۔ ملوک آ حوال آتا رداٹ 15 آن 20 اوغان طالبان تے خلنگانے، اوغان طالبان و فتنۃ الخوارج نا دہشت گرد آک پاک اوغان سنگتی گیٹ ءِ تینا کنڈآن اُڑائفیر، گیٹ ءِ بھس کننگ پک کیک کہ اوغان طالبان واپار و ہندی ہن و بر ءِ برجاتخنگ نا مخ تف افس۔ سیکورٹی حوالی نا رداٹ پاک فوج فتنۃ الخوارج و اوغان طالبان تا تدوک آنن کرم سیکٹر آ جلہو نا کوشست ءِ ہم بے سہب کریسس، کرم سیکٹر آ ورندی جلہو اٹی اوغان طالبان تا 8 پوسٹ و 6 ٹینک بمعہ عملہ بھس کننگا۔ پاک فوج کرم سیکٹر اٹی چندی دہشت گرد آتے خلنگ و امریکی ساختہ سلہہ ہم کوزہ ٹی ہلک۔ پاک فوج انا کنڈآن پبی ورندی آن پد کرم سیکٹر اٹی داوخت  آ خاموشی ءِ، سپین بولدک اٹی پین اوغان طالبان و فتنۃ الخوارج نا یکجا مننگ نا حوال ملنگ ءِ۔