اسپیکر قومی اسمبلی سردار ایاز صادق نا مسکوہی اسپیکر سندھ اسمبلی آغا سراج درانی نا کزیت آ است ہسونی نا درشان

اسلام آباد۔ 15 اکتوبر (اے پی پی) اسپیکر قومی اسمبلی سردار ایاز صادق مسکوہی اسپیکر سندھ اسمبلی آغا سراج درانی نا کزیت آ ڈکھیائی و است ہسونی نا درشانی ءِ کرینے۔ چارشنبے نادے آ تینا ہڑزخواہی بیان اٹی او آغا سراج درانی نا خاہوت تون ہڑزخواہی نا درشانی ءِ کرساپارے کہ او ڈکھیائی نا داساہت اٹی غمزدہ خاہوت تون بریبرنا شریک ءِ۔ سردار ایاز صادق آغا سراج درانی نا سیاسی و راجی خذمت آتے خراج تحسین پی پیش کرساپارے کہ او مدبرانہ و زیرک سیاست دان اس ئس، ملک اٹی جمہوری قدر انا مون آ دننگ و جمہوریت نا سوگوی کن اونا خذمت آتے یات تخنگک، اونا کزیت آن ودی مروک آ خورکی مد آتیان پُرمننگ کپک۔ اودعاکرے کہ اللہ تعالیٰ ایماندار آغا سراج درانی ءِ جنت الفردوس اٹی بڑزکو ہند و اونا خاہوت ءِ دابے بدل نسخان ءِ سگنگ کن صبر وجمیل عطاکے۔