خصوصی کمکار رانا احسان افضل خان نا یواے ای نا وزیر درملکی واپار ڈاکٹر ثانی بن احمد الزیودی تون اوڑدہی

ابوظہبی۔ 15 اکتوبر (اے پی پی) وزیراعظم نا خصوصی کمکار واپار رانا احسان افضل خان متحدہ عرب امارات نا وزیر درملکی واپار ڈاکٹر ثانی بن احمد الزیودی تون اوڑدہی کرے و یواے ای نا کاروباری برادری ءِ پاکستان اٹ زرکاری نا پوسکن وارخواہی پٹنگ نا سلہ خلک۔ چارشنبے نادے آ جاری پریس ریلیز نا رداٹ اوڑدہی ٹی ہڑتوم آملک آتا نیام اٹ واپاری و اقتصادی کمکاری ءِ پین ودفنگ آ امنا کننگا۔ رانا احسان افضل خان یواے ای نا کاروباری برادری ءِ پاکستان اٹ زرکاری نا پوسکن وارخواہی پٹنگ نا سلہ خلک خاص کر یواے ای نا کمپنی تے 25 آن 27 نومبر آ مروک ’’فوڈ اینڈ ایگریکلچرل 2025‘‘نمائش اٹی بشخ ہلنگ نا خصوصی سلہ خلک۔ دانمائش وزارت واپار پاکستان نا کنڈآن اڈ ہلیک۔ رانا احسان افضل خان اوڑدہی ٹی یواے ای نا سرکڑدہ و الس نا مہمانداری آ منت واری ءِ ہرفے۔ اوڑدہی ٹی دبئی ٹی پاکستان نا قونصل خانہ نا ٹریڈ اینڈ انویسٹمنٹ کونسلرہم ساڑی ئس۔