پاکستان 2026 ءَ بگر داں 2028 ءِ وھد ءِ واستہ انسانی ھکانی کونسل ءِ باسک ءِ بستار ءَ مزنیں اکثریت ءِ رد ءَ نائب مزن وزیر ءُ دری کارانی وزیر گچین کنگ بوتگ

اسلام آباد۔15اکتوبر  (اے پی پی): نائب مزن وزیر ءُ درئی کارانی وزیر سینیٹر  محمد اسحاق ڈار ءَ گوشت کہ اللہ تعالیٰ ءِ فضل ءُ کرم ءَ پاکستان 2026 ءَ بگر داں 2028 ءِ وھد ءِ واستہ انسانی ھک آنی کونسل ءِ باسک ءِ بستار ءَ مزنیں کساسے ءَ گچین کنگ بوتگ۔ چار شمبے ءِ روچ ءَ ’’ایکس‘‘ ءِ سر ءَ وتی پوسٹ ءِ تہ ءَ آئی ءَ گوشت کہ من اقوام متحدہ ءِ توامیں باسکیں ملک آناں پاکستان ءِ واستہ کمک کنگ ءِ واستہ دل ءِ جہلانکی ءَ چہ منت وار آں ۔ نائب مزن وزیر ءُ درئی کارانی وزیر سینیٹر  محمد اسحاق ڈار ءَ گوشت کہ پاکستان ءِ گچین کاری آئی ءِ مھکمیں ساکھ ءِ منگ ءُ انسانی ھک آنی جھان ءِ رھبند ءِ مھکم کنگ ءِ تہ ءَ کرد ءِ منگ اِنت۔ آئی ءَ گوشت کہ پاکستان جنگ بندی، رواداری، احترام، انصاف، تپاکی ءِ جوڑ کنگ ءُ ھوار بوھگ ءِ بنیات ءَ میاں اوستمانی براتی ءِ گوما کار کنگ ءِ وتی عزم ءِ یک رندے پدا پدر کنت۔