پاکستان کشت ءُ کشاری ءُ مالداری ءِ شوبگ ءَ کمک ءُ جوانیں  کوالٹی ءِ گوشت ءِ برآمد ءِ واستہ آسٹریلیا ءِ گوما مھکمیں سیادی ءِ لوٹ ءَ کنت، مزن وزیر شہباز شریف ءَ گوں آسٹریلیا ءِ چہ کار ءَ دز کش بووکیں  ہائی کمشنر ءَ گپ ءُ تران

اسلام آباد۔15اکتوبر  (اے پی پی): مزن وزیر محمد شہباز شریف ءَ گوشت کہ پاکستان آسٹریلیا ءِ گوما ھاسیں رنگ ءَ کشت ءُ کشاری ءُ لائیو سٹاک ءِ شوبگ ءُ جوانیں کوالٹی ءِ گوشت ءِ برآمد ءِ واستہ مھکمیں سیادی ءِ لوٹ ءَ کنت۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی آسٹریلیا ءِ چہ کار ءَ درکپوکیں ہائی کمشنر نیل ہاکنز ءَ گوں گپ ءُ تران کنان ءَ کتگ اَنت آئی ءَ مزن وزیر ءَ را الوداعی کال کتگ۔ مزن وزیر ءَ ہائی کمشنر ءَ را پاکستان ءَ وتی مدت ءِ کامیات ءَ سرجمی ءِ پد ءَ مبارک بات دات ءُ پاکستان ءُ آسٹریلیا ءِ سیادی ءَ را مھکم کنگ ءِ واستہ جوانیں کرد پیلو کنگ ءِ پد ءَ آئی ءِ شگر ءُ منت گپت۔ مزن وزیر ءَ گوشت کہ پاکستان آسٹریلیا ءِ گوما مھکمیں سیادی ءِ لوٹ ءَ کنت ھاسیں رنگ ءَ کشت ءُ کشار، مال ءُ مڈی ءُ جوانیں کوالٹی ءِ گوشت ءِ برآمد کنگ ءِ پڑ ءَ،  اے درگت ءَ آئی ءَ چہ کار ءَ درکپوکیں ہائی کمشنر ءَ لوٹ کتگ کہ آ آسٹریلیا ءِ ماہرین ءِ ازمت ءَ را پچ گرگ ءِ واستہ پاکستان ءَ را کمک بہ کنت۔ اقتصادی اصلاحات ءِ ھوالگ ءَ مزن وزیر ءَ گوستگیں 18ماہ ءِ تہ ءَ بوتگیں دیمروئی آنی سر ءَ  دل یکیمی ءِ درشان کت، ایشی ءِ تہ ءَ بازیں اقتصادی اصلاحات ءِ سر ءَ عمل کنگ بوت۔ اقتصادی برجائی ءَ را دل یکیمی کنگ ءِ واستہ آیوکیں ماھ آنی تہ ءَ اے اصلاحات برجاہ بنت ۔ آسٹریلیا ءِ گوما پاکستان ءِ دوستی ءُ دوستی ءِ سیادی ءَ را پدر کنان ءَ مزن وزیر ءَ جھان ءِ امن ءِ واستہ ھاسیں رنگ ءَ میاں اوستمانی تک ءَ کوشست آنی تہ ءَ آسٹریلیا ءِ جوڑیشت ءِ کرد ءَ را ھم ساڑات۔ چہ کار ءَ درکپوکیں ہائی کمشنر ءَ مزن وزیر ءِ جوانیں وش اتک ءِ شگر ءُ منت گپت ءُ مزن وزیر ءِ نندگ ءِ وھد ءَ پاکستان ءِ الس ءُ حکومت ءِ نیمگ ءَ چہ رستگیں مزن وزیر ءُ کمک ساڑات۔ آئی ءَ مزن وزیر ءَ را پاکستان ءِ گیش بوھوکیں سفارتی پروفائل ءُ جنوبی ایشیا، میاں اوستمانی ءُ سرجمیں دگنیا ءَ امن ءِ واستہ کوشست آنی سر ءَ مبارک بات دات۔ آئی ءَ مزن وزیر ءِ کوشست آناں ھم ساڑات کہ ایشی ءِ آسر ءَ پاکستان ءَ اقتصادی برجائی بوتگ۔