مزن وزیر شہباز شریف ءَ سوات ءِ دمگ مٹہ  ءَ پولیو ءِ ھلاسی ءِ ٹیم ءِ سر ءَ ناشرکاری اُرش ءِ مذمت

اسلام آباد۔14اکتوبر  (اے پی پی): مزن وزیر محمد شہباز شریف ءَ سوات ءِ دمگ مٹا ءَ پولیو ءِ ھلاسی ءِ ٹیم ءِ سر ءَ ناشرکاری اُرش ءِ سک باز مذمت کتگ ءُ پولیو ءِ ھلاسی ءِ مہم ءَ را تاں پولیو ءِ سرجمیں ھلاسی ءَ برجاہ دارگ ءِ جزم ءِ درشانی کتگ۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ لیویز ءِ کارندہ عبد الکبیر ءِ شہادت ءِ سر ءَ دلپدردی ءِ درشانی کتگ کہ آ پولیو ءِ ھلاسی ءِ ٹیم ءِ رکھینگ ءَ ات ءُ شھید ءِ واستہ مغفرت ءُ غم ءِ آماچیں ھاندان ءِ واستہ صبر ءُ برداشت ءِ دعا کتگ۔ آئی ءَ گوشت کہ پولیو ءِ ھلاسی ءِ واستہ ھاسیں سرکاری ھزمت کنوکیں مردم آنی سر ءَ ناشرکاری اُرش ناقابل برداشت اِنت، حکومت ملک ءَ چہ پولیو ءِ سرجمی ءَ ھلاسی ءِ واستہ جزم اِنت، ناشرکار آنی نیمگ ءَ چہ اے وڑیں مزاحمت ءِ باوجود پولیو ءِ ھلاسی ءِ مہم سرجمیں زور ءَ گوں برجاہ اِنت ءُ پولیو ءِ سرجمیں ھلاسی ءَ تاں برجاہ بیت۔