مزن وزیر شہباز شریف ءِ گشگ انت کہ فلسطین ءِ راج ءِ آجوئی، شرپ ءُ وشحالی پاکستان ءِ بنیاتی اولویت انت

شرم الشیخ۔14اکتوبر  (اے پی پی): مزن وزیر محمد شہباز شریف ءَ گوشت کہ فلسطین ءِ راج ءِ آجوئی، شرپ ءُ وشھالی پاکستان ءِ بنکی اولویت انت۔ 1967 ءَ پیسر ءِ سیمسر آنی سر ءَ بیت المقدس ءِ بنیات ءِ سر ءَ یک مھکم ءُ زندگ داروکیں فلسطینی ریاست ءِ جوڑ کنگ پاکستان ءِ میاں اوستمانی ستون بوتگ ءُ مانیت۔ شرم الشیخ ءَ غزہ امن سروک دیوان ءَ بہر زورگ ءَ پد وطن ءَ واتر بوھگ ءَ پیسر سوشل نیٹ ورکنگ پلیٹ فارم ’ایکس‘ ءِ سر ءَ وتی پوسٹ ءِ تہ ءَ مزن وزیر ءَ گوشت کہ آ شرم الشیخ ءَ غزہ امن سروک دیوان ءَ بھر زوری ءَ پد وطن ءَ واتر بوھگ ءِ واستہ بالی گراب ءَ سوار بوھگ ءَ اِنت ءُ آئی ءِ لہتیں تاثرات شیئر کنگ لوٹ اَنت گوں دلجمی ءَ ھوار اِنت۔ مزن وزیر ءَ گوشت کہ پاکستان ءِ اولی ترجی غزہ ءَ نسل کشی مہم ءَ را ترندی ءَ چہ بند کنگ اِنت، ءُ اے ترجی ءَ را دگہ براتیں ملک آنی گوما کمک ءَ مدام مھکم ءُ مھکم کنگ بوتگ۔ مزن وزیر ءَ گوشت کہ صدر ٹرمپ ءِ ھوالگ ءَ مئے منت واری ءِ بنیات ایش انت کہ آ ایشی ءَ روک کنت ءُ اے وعدہ ءَ پیلو کنت۔ مزن وزیر ءَ گوشت کہ ما امن ءِ واستہ صدر ٹرمپ ءِ بے دروریں کرد ءِ ساڑاھگ ءَ برجاہ دار ایں، فلسطینی اُلس ءِ آجوئی، شرپ ءُ وشھالی پاکستان ءِ واستہ سک باز ارزشت ءِ واھند اِنت۔ مزن وزیر ءَ گوشت کہ انشاءاللہ 1967ءَ چہ پیسر ءِ سیم سر آنی سر ءَ بنیات ءِ سر ءَ یک مھکمیں ءُ زندگ داروکیں فلسطین ءِ ریاست ءِ جوڑ کنگ پاکستان ءِ میاں اوستمانی پالیشی ءِ بُن ھشت اِنت ءُ مانیت۔