غزہ امن ڈٹ دے ٹک نیامی ٹی دیرپاامن نا کنڈآ اہم ءُ گام اسے، صدر ڈونلڈ ٹرمپ انا خصوصی چکار و جستجو نا سوب غزہ ٹی برجاکشت و خون ءِ توننگ ممکن مس، وزیراعظم محمد شہبا زشریف

شرم الشیخ۔ 13 اکتوبر (اے پی پی) وزیراعظم محمد شہباز شریف پارینے کہ غزہ امن ڈٹ دے ٹک نیامی ٹی دیرپاامن نا کنڈآ اہم ءُ گام اسے ، امریکی صدر ڈونلڈ ٹرمپ انا خصوصی چکار و جستجونا سوب ہی غزہ ٹی برجاکشت وخون ءِ توننگ ممکن مس، اینو نا دود نسل کشی نا بشخ انا چٹفنگ نا پیدواری ءِ کیک، جہانی برادری بایدے پک کے کہ داوڑنا باب پین اسے جاگہ اس ہم ملنگپ۔ دوشنبے نادے آ راجی رابطہ نا ویب سائٹ ’’ایکس‘‘ آ تینا پوسٹ اٹی وزیراعظم محمد شہباز شریف پارے کہ الحمداللہ شرم الشیخ اٹی تاریخی غزہ امن ڈٹ آ دستخط نا دود اٹی بشخ ہلنگ کن رسینگانٹ ہرا دے ٹک نیامی ٹی دیرپاامن نا کنڈآ اسہ اہم ءُ گام اسے، مصر انا صدر عبدالفتاح السیسی و امریکی صدر ڈونلڈ ٹرمپ ہراداامن سروکی دیوان نا شریک مہماندار ءِ نا منت وار اُٹ۔ وزیراعظم پارے کہ صدر ڈونلڈ ٹرمپ نا شاندار کماشی و بدل مفروک عزم آن بیدس نن دا تاریخی لمحہ ءِ خنتونہ، اونا خصوصی چکار و جستجو نا سوب ہی (غزہ ٹی برجا) کشت وخون ءِ توننگ ممکن مس۔ اوپارے کہ دادود نسل کشی نا اسہ بشخ اسے نا چٹفنگ نا پیدواری ءِ کیک، جہانی برادری  بایدے پک کے کہ اسہ جاگہ اس ہم پین دوُارہ داوڑنا باب اس ملنگپ ۔ وزیراعظم پارے کہ بہادر و ثابت گام فلسطینی الس 1967آن مست انا سیم تا رداٹ اسہ آجو فلسطین اٹی رہینگ انگ نا پورو حق تخرہ ہرانا دارالحکومت القدس شریف مرے۔