شرم الشیخ۔ 13 اکتوبر (اے پی پی) وزیراعظم محمد شہباز شریف ، امریکہ نا صدر ڈونلڈ ٹرمپ و مصری صدر عبدالفتاح السیسی نا خصوصی سلہ غا مصر نا کرکی شار شرم الشیخ آ سرمس، بالی پٹ آ سرمننگ آ مصر انا وزیر یوتھ و اسپورٹس ڈاکٹر اشرف صبیحی ، مصر اٹی پاکستان نا سفیر عامر شوکت و ہڑتوم آملک آتا بڑزکو سفارتی عملہ وزیراعظم ءِ بخیرکریر۔ دوشنبے نادے آ …
وزیراعظم محمد شہباز شریف امریکی صدر ڈونلڈ ٹرمپ و مصری صدر عبدالفتاح السیسی نا خصوصی سلہ غا شرم الشیخ آ سرمس
گیشتریں ھال
شرم الشیخ۔ 13 اکتوبر (اے پی پی) وزیراعظم محمد شہباز شریف ، امریکہ نا صدر ڈونلڈ ٹرمپ و مصری صدر عبدالفتاح السیسی نا خصوصی سلہ غا مصر نا کرکی شار شرم الشیخ آ سرمس، بالی پٹ آ سرمننگ آ مصر انا وزیر یوتھ و اسپورٹس ڈاکٹر اشرف صبیحی ، مصر اٹی پاکستان نا سفیر عامر شوکت و ہڑتوم آملک آتا بڑزکو سفارتی عملہ وزیراعظم ءِ بخیرکریر۔ دوشنبے نادے آ پی ایم آفس نا میڈیا ونگ انا کنڈآن جاری بیان نا رداٹ وزیراعظم محمد شہباز شریف شرم الشیخ اٹی اڈ ہلوک غزہ ٹی جنگ بندی کن شرم الشیخ امن سروکی دیوان اٹی بشخ ہلیک۔ نائب وزیراعظم و وزیرخارجہ محمد اسحاق ڈار و وزیرحوالکاری و شینکاری عطاء اللہ تارڑ وزیراعظم تون اوار ڈل اٹی شریک ءُ۔ وزیراعظم محمد شہباز شریف امریکی صدر ڈونلڈ ٹرمپ، مصری صدر عبدالفتاح السیسی، امیر قطر شیخ تمیم بن حمدالثانی و ترکیہ نا صدر رجب طیب اردوان نا نیام اٹ غزہ امن معاہدہ غا دستخط نا دود اٹی خصوصی بشخ ہلیک۔
