پاک آرمی نا ٹیم برطانیہ ٹی اڈ ہلوک کیمبرین پیٹرول مشق۔ 2025اٹی گولڈ میڈل ءِ دوئی کرے

اسلام آباد۔ 13 اکتوبر (اے پی پی) پاک آرمی نا ٹیم برطانیہ ٹی اڈ ہلوک کیمبرین پیٹرول مشق۔ 2025 اٹی گولڈ میڈل دوئی کرینے۔ دوشنبے نادے آ پاک فوج انا شعبہ تعلقات عامہ (آئی ایس پی آر) آن جاری بیان نا رداٹ پاکستان آرمی نا ٹیم 03 آن 13 اکتوبر 2025 اسکان ویلز برطانیہ ٹی اڈ ہلوک ایکسرسائز کیمبرین پیٹرول۔ 2025اٹی گولڈ میڈل ءِ دوئی کرے۔ دا ایکسر سائز کیمبرین پیٹرول 66 سال آن اڈتننگ انگ ءِ، مشق اٹی کسبی آب ءِ برقرار تخنگا۔ مچ آ دنیا غان مشق انا بشخ ہلوک آتے ناہموار علاقہ ٹی حکمت عملی اتون مون  آہنوئی تما، 48 گھنٹہ ٹی 0 کلومیٹر نا فاصلہ ءِ طے کرسا او مسابقتی چاگڑد اٹی ماہر انداز اٹی تینا ہدف آتے دوئی کرے۔ برجاسال مشق اٹی 36 ملک آتا 137 ٹیمک بشخ ہلکر و دا غٹ ٹیم آتیان کیپٹن محمد سعد نا کماشی ٹی پاک فوج انا ٹیم مشق اٹی بھلو کارکڑد اسے نا درشانی ءِ کرے و گولڈ میڈل ءِ دوئی کرے۔ آئی ایس پی آر پارے کہ دا واقعی مچ آ قوم و پاک فوج اکن گمر نا لمحہ سے ہرا تینا کسبی مہارت و تربیت نا بڑزکو آب اکن چاہنگک۔ پاک فوج مدام ملک انا بیرک ءِ بڑزکرینے و آخبت ہم کوشست آتے برجاتخک۔