غزہ امن منصوبگ میاں اوستمانی تک ءَ دائمی امن ءِ دیم ءَ یک ھاسیں گامگیج اِنت،  مزن وزیر محمد شہباز شریف ءَ گشتگ کہ ایوک ءَ صدر ڈونلڈ ٹرمپ ءِ ھاسیں دلگوشی ءُ پدگیری ءِ سبب ءَ غزہ ءَ برجاھیں کشتار ءِ بند کنگ ممکن بوت

شرم الشیخ۔13اکتوبر  (اے پی پی): مزن وزیر محمد شہباز شریف ءَ گوشت کہ غزہ ءِ امن منصوبگ میاں اوستمانی تک ءَ دائمی امن ءِ نیمگ ءَ ھاسیں گامگیج اِنت۔ امریکی صدر ڈونلڈ ٹرمپ ءِ ھاسیں دلگوش ءُ پدگیری ءِ سبب ءَ ایوک ءَ غزہ ءَ برجاھیں کشتارانی بند کنگ ممکن بوتگ۔ مرچی ءِ مراگش نسل کشی ءِ باب ءِ آسر اِنت۔ میان استمانی براتی اے گپ ءَ دل یکیمی بہ کنت کہ چوشیں باب پدا ہچ جاہ ءَ پچ مہ بیت۔ دو شمبے ءِ روچ ءَ سوشل نیٹ ورک ءِ ویب سائٹ ’’ایکس‘‘ ءِ سر ءَ وتی پوسٹ ءِ تہ ءَ مزن وزیر محمد شہباز شریف ءَ گوشت کہ الحمداللہ من شرم الشیخ ءَ سر بوتگ آں تاریخی غزہ امن منصوبگ ءِ سر ءَ دستخط ءِ مراگش ءَ بھر زوری کنگ ءِ واستہ کہ میاں اوستمانی تک ءَ دائمی امن ءِ نیمگ ءَ یک ھاسیں گامگیج اِنت۔ من مصر ءِ صدر عبدالفتاح السیسی ءُ امریکی صدر ڈونلڈ ٹرمپ ءِ منت واراں کہ آ اے امن سروک دیوان ءِ ہمراہ انت۔ مزن وزیر ءَ گوشت کہ صدر ڈونلڈ ٹرمپ ءِ دراجیں سروکی ءُ بے مٹیں جزم ءِ ھست نہ بوھگ ءَ ما اے راجدپتری ساھت ءَ نہ دیستگ ات، ایوک ءَ آئی ءِ ھاسیں دلگوشی ءُ کوشست ءِ سبب ءَ بوتگ کہ (غزہ ءَ) کشتار آناں را بند کنگ نہ بوتگ۔ آئی ءَ گوشت کہ اے مراگش نسل کشی ءِ یک باب ءِ آسر اِنت، میاں اوستمانی براتی ءَ را اے گپ ءِ سر ءَ دل یکیمی کنگی اِنت کہ چوشیں باب پدا ھچ جاگہ ​​ءَ پچ مہ بیت۔ مزن وزیر ءَ گوشت کہ بہادر ءُ مھکمیں فلسطینی اُلس ءَ را 1967 ءَ چہ پیسر ءِ سیم سر آنی رد ءَ بیت المقدس ءِ دارالحکومت ءِ رد ءَ آجوئیں فلسطین ءِ تہ ءَ نندگ ءِ سرجمیں ھک است انت۔