شرم الشیخ۔13اکتوبر (اے پی پی): امریکی صدر ڈونلڈ ٹرمپ ءُ مصر ءِ صدر عبدالفتاح السیسی ءِ ھاسیں دعوت ءِ پد ءَ مزن وزیر محمد شہباز شریف مصر ءِ کوہ ءِ کش ءُ گوری شہر شرم الشیخ ءَ سر بوتگ۔ بالی پٹ ءَ سر بوھگ ءِ پد ءَ مزن وزیر ءَ را مصر ءِ ورنا ءُ لیب ءُ گوازی ءِ وزیر ڈاکٹر اشرف صابیہی، مصر ءَ پاکستان ءِ سفیر امیر …
امریکی صدر ڈونلڈ ٹرمپ ءُ مصر ءِ صدر عبدالفتاح السیسی ءِ ھاسیں دعوت ءِ سر ءَ مزن وزیر محمد شہباز شریف شرم الشیخ ءَ سر بوتگ
گیشتریں ھال
شرم الشیخ۔13اکتوبر (اے پی پی): امریکی صدر ڈونلڈ ٹرمپ ءُ مصر ءِ صدر عبدالفتاح السیسی ءِ ھاسیں دعوت ءِ پد ءَ مزن وزیر محمد شہباز شریف مصر ءِ کوہ ءِ کش ءُ گوری شہر شرم الشیخ ءَ سر بوتگ۔ بالی پٹ ءَ سر بوھگ ءِ پد ءَ مزن وزیر ءَ را مصر ءِ ورنا ءُ لیب ءُ گوازی ءِ وزیر ڈاکٹر اشرف صابیہی، مصر ءَ پاکستان ءِ سفیر امیر شوکت ءُ دوئیں ملک آنی مزنیں سفارتی کارندہ آں وش اتک کت۔ دوشمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف شرم الشیخ ءَ برجم داشتگیں غزہ ءَ جنگ بندی ءِ واستہ شرم الشیخ امن سروک دیوان ءَ بھر زوری کنت۔ مزن وزیر ءِ ڈل ءِ تہا نائب مزن وزیر ءُ درئی کارانی وزیر محمد اسحاق ڈار ءُ وزیر ءِ اھوالکاری ءُ شنگکاری عطا اللہ ترار ھمبراھی ءَ انت۔ مزن وزیر محمد شہباز شریف امریکی صدر ڈونلڈ ٹرمپ، مصر ءِ صدر عبدالفتاح السیسی، گتر ءِ امیر شیخ تمیم بن حمد الثانی ءُ ترکی ءِ صدر رجب طیب اردو ءِ نیام ءَ غزہ ءِ امن منوگری ءِ سر ءَ دستخط کنگ ءِ مراگش ءَ ھاسیں رنگ ءَ پیش بیت۔
