بلوچستان ءَ سیلاب ءِ آماچیں مردمانی ریکولیشن ءِ تہ ءَ مزنیں پیشرفت، سیلاب ءِ آماچیں مردمانی واستا 7 ہزار 31 ھزار لوگ جوڑ کنگ بوتگ، 3 ہزار گس آناں زوت سرجم کنگ ءِ گمان اِنت

اسلام آباد۔12اکتوبر (اے پی پی): ورلڈ بینک ءِ کمک ءَ جاری یکجاھیں سیلاب ءِ گر ءُ دار ءُ موافقت منصوبگ ءِ چیر دستی ءَ پاکستان ءَ بلوچستان ءَ سیلاب ءِ آماچیں مردم آنی بحالی ءِ تہ ءَ مزنیں پیشرفت کتگ۔ انوگ ءَ تاں 7031 نوکیں لوگ جوڑ کنگ بوتگ اَنت وھدیکہ دگہ 3000 لوگ زوت سرجم کنگ ءِ گمان اِنت۔ اے 161 ملین امریکی ڈالر ءِ منصوبگ ءِ سرھال ”لچکداریں ھاوسنگ ءِ نوک جوڑیشت ءُ بحالی“ اِنت ءُ آئی ایف آر اے پی ءِ مزنیں بھر اِنت کہ ایشی ءِ سر ءَ کوئٹہ ءَ جاہ منندیں ھاوسنگ ءِ نوک جوڑیشت یونٹ ءُ وفاقی منصوبگ بندی، دیمروئی ءُ نوک جوڑیشت ءِ وفاقی وزارت ءِ وفاقی منصوبگ ءِ انتظامی یونٹ ءِ کمک ءَ چہ کار کنگ بوھگ ءَ اِنت۔ ویلتھ پاکستان ءِ دست ءَ سرکاری کاگد آنی رد ءَ اے منصوبگ ءِ مول ءُ مراد 97ہزار لوگ آنی جوڑ کنگ ءُ میتگ ءِ نوک جوڑیشت ءِ کمیٹی آناں جوڑ ءُ مھکم کنگ اِنت تانکہ کمیونٹی ءِ سروکی ءَ ریکوری ءُ بنجاہی تک ءَ دراجیں مدتی چاگردی لچک ءَ را دیم ءَ برگ بہ بیت۔ حکومت ءَ بلوچستان ءِ 33ضلع آنی تہ ءَ سیلاب ءَ چہ آماچیں 284312 مردم آنی ڈیٹا آنی پٹ ءُ پول ءِ کار بندات کتگ تانکہ فنڈز آنی شفافیں کارمردی ءَ را دل یکیمی کنگ بہ بیت۔ انوگ ءَ تاں 231661 (81.4%) زدگیں مردمانی دوبر پٹ ءُ پول سرجم بوتگ۔ ہاؤسنگ ری کنسٹرکشن یونٹ ءَ مالی سال 2024-25 ءِ واستہ وتی جسمانی ءُ مالی ٹارگٹ سرجم کتگ انت ءُ رواں مالی سال ءَ ہم اے منصوبگ ءَ گوں ترندی ءَ دیمروئی کنگ ءَ انت۔ مالیاتی ریکارڈ ءِ رد ءَ 4.5ارب کلدار ءِ زرّ ءِ ھرچ ءُ درچ کنگ بوتگ کہ ایشی ءِ ھلاپ ءَ 5.75ارب کلدار ءِ زرّ یلہ کنگ بوتگ ءُ سرجمی ءَ کارمرد کنگ بوتگ۔ مالی سال 2025-26 ءِ واستہ اے زرّ ءَ را 18ارب کلدار ءَ گیش کنگ بوتگ کہ ایشی ءِ تہ ءَ 2.7ارب کلدار یلہ کنگ بوتگ ءُ انوگ ءَ تاں 2.44ارب کلدار ھرچ کنگ بوتگ۔ منصوبگ ءِ چیر دستی ءَ 13ضلع آنی تہ ءَ جوڑیشت ءِ کار بندات کنگ بوتگ، ایشی ءِ تہ ءَ 27ہزار 109فائدگ منداں اولی قسط ءِ رسگ ءَ پد وتی گس آنی جوڑیشت بندات کتگ۔ اے زرّ نامینتگیں شریکیں ادارگ آنی وسیلگ ءَ بھر ءُ بانگ کنگ بوتگ۔ شفافیت ءُ کارکردگی ءَ را دل یکیمی کنگ ءِ ھاتر ءَ یک جامع نگرانی ءُ ارزیابی ءِ نظام ءِ سرا عمل کنگ بوتگ، ایشی ءَ چہ ریئل ٹائم پیشرفت ءِ نگرانی، کوالٹی ءِ یقین دہانی ءُ ادائیگی ءِ تصدیق ءِ اہل جوڑ کنگ بوتگ۔ منصوبگ ءِ دیم ءَ اوشتاتگیں عملی چیلنج آنی گیواری ءِ واستہ حکومت ءَ بازیں نوکیں گامگیج ھم دیم ءَ آؤرتگ اَنت، ایشی ءِ تہ ءَ اسٹیٹ بینک آف پاکستان ءِ کمک ءَ فنڈ ءِ ترسیل ءِ نظام ءَ را گہتر کنگ ءُ شریکیں بینک آنی وسیلگ ءَ دوریں دمگ آنی تہ ءَ بینک ایجنٹ آنی وسیلگ ءَ فنڈز ءِ پھجارینگ ھوار اِنت تانکہ آماچیں مردم آناں آسانی ءَ گوں رسگ ءِ ھاتر ءَ ھوار اِنت۔ تعمیراتی سامان ءِ مقامی سپلائر آناں ترسیل ءِ عمل ءَ را ترند کنگ ءِ واستہ دلبڈی دیگ بوھگ ءَ انت وھدیکہ کاریگر آنی واستہ تربیتی پروگرام بندات کنگ بوتگ انت تانکہ تعمیراتی کوالٹی ءَ را برجم دارگ ءُ مقامی روزگار ءِ موہ پیداک کنگ بہ بنت۔ وزارت ءِ منصوبہ بندی ءِ یک مزنیں کارندہے ءَ ویلتھ پاکستان ءَ گوں تران کنان ءَ گشتگ کہ آئی ایف آر اے پی ءِ چیر دستی ءَ اے ہاؤسنگ ءِ نوک جوڑیشت ءِ منصوبہ ایوک ءَ لوگ جوڑ کنگ ءِ عمل نہ انت بلکیں پاکستان ءَ روزگار ءِ بحالی، کمیونٹیز ءِ استحکام ءُ چاگردی رکھینگ ءِ دیمروئی ءِ مزنیں کوشست انت کہ اے منصوبہ ملک ءِ بدترین آماچیں صوبہ بلوچستان ءَ جاری انت۔