ھرابیں شیر ءِ حلاف ءَ کارروائی، 267ملین کلدار جرمانہ، پنجاب فوڈ اتھارٹی

اسلام آباد۔12اکتوبر (اے پی پی): ن ھرابیں شیر ءِ ھلاپ ءَ مزنیں کساسے ءَ سرکچ ءِ ساھت ءَ پنجاب فوڈ اتھارٹی ءَ یک جنوری ءَ چہ سرجمیں صوبگ ءَ 5لکھ ءَ چہ گیش ڈیری پوائنٹ، شیر ءِ دکان ءُ کلیکشن سنٹر آنی چار ءُ تپاسی کتگ۔ دکاندار شیر ءِ ملاوٹ ءُ آلودگی ءِ مجرم انت۔ پاکستان سالے 70 ارب لیٹر ءِ کساس ءَ شیر پیداک کنت، بلے ملک ءِ 124 ملین صارف آنی گیشتریں بہر انگت ءَ چہ وشیں شیر ءِ رسگ ءَ چہ زبھر انت، پرچا کہ کلیں پیداوار ءِ 10 درسد ءَ چہ کم شیر مارکیٹ ءَ سر بوھگ ءَ پیسر پاسٹرائز کنگ بیت۔ ماہرین ءِ رد ءَ ملک ءَ 90 درسد ءَ چہ گیش شیر روایتی شیر ءِ دکاندار آنی وسیلگ ءَ پچیں شیر ءِ رنگ ءَ بہا کنگ بیت کہ ایشی ءِ سر ءَ کوالٹی ءِ نگرانی ناچیز اِنت۔ وفاقی وزارت نیشنل فوڈ سیکیورٹی اینڈ ریسرچ ءِ کنسلٹنٹ ڈاکٹر محمد جنید ءَ ویلتھ پاکستان ءَ گوں تران کنان ءَ گشتگ کہ پاسٹرائزیشن کہ ایشی ءِ تہا شیر ءَ را یک خاصیں درجہ حرارت ءَ گرم کنگ بیت کہ ایشی ءِ تہا نقصان دہ بیکٹیریا ءِ کشگ ءِ ھاتر ءَ لس جان سلامتی ءِ ھاتر ءَ سک باز المی انت۔ آئی ءَ گوشت کہ پاکستان ءَ پاسٹرائزیشن ءِ صنعت سک کم انت ھاسیں رنگ ءَ کراچی، لاہور، فیصل آباد ءُ راولپنڈی ءِ وڑیں مزنیں شہر آنی تہ ءَ تیزی ءَ گوں گیش بوھوکیں لوٹ ءِ پیلو کنگ ءِ گنجائش نیست انت۔ آئی ءَ گیش گوشت کہ پروسیسنگ پلانٹ آنی جوڑ کنگ ءِ مزنیں ھرچ ءُ درچ ءُ کولڈ چین ءِ بنیاتی ڈھانچہ ءِ نہ بوھگ ءَ چہ صنعت ءِ دیمروئی ءِ تہ ءَ کمی اتکگ۔ ڈاکٹر جنید ءَ گوشت کہ جوانیں کولنگ ءُ ٹرانسپورٹ سسٹم ءِ نہ بوھگ ءِ سبب ءَ خام شیر زوت ھراب بیت، ایشی ءِ سبب ءَ بازیں دلال ھراب بوھگ ءِ رکّینگ ءِ ھاترا آئس، سوڈا یا ھما فارمالین ءِ وڑیں زیانکاریں چیز ھوار کن اَنت۔ پاکستان ڈیری ایسوسی ایشن ءِ سی ای او ڈاکٹر شہزاد امین ءَ ویلتھ پاکستان ءَ گوں تران کنان ءَ گشتگ کہ پروسیسڈ شیر ملک ءِ کلیں کھپت ءِ 10درسد ءَ چہ کم انت، ایشی ءِ سبب ءَ گیشتریں مردم غیر رسمی وسیلگ آنی سر ءَ انحصار کن انت۔ آئی ءَ گوشت کہ رسمی شیر ءِ بازار ایوک ءَ کسان نہ اِنت بلکینگ ءَ لھتے مزنیں کمپنی آں تاں محدود اِنت۔ لاہور ءِ نامداریں غذائیت زانت ڈاکٹر علی حیدر ءَ ویلتھ پاکستان ءَ گوں تران کنان ءَ گشتگ کہ غیر پاسچرائزڈ شیر ءِ تہا بیکٹیریا ءِ گیش بوھگ ءَ چہ ہاضمہ ءِ جتا جتائیں نادراہی ءُ الرجی ءِ سبب جوڑ بیت۔ آئی ءَ گوشت کہ پاسچرائزڈ شیر ءِ ورگ ءَ چہ بہضمی ءُ الرجی ءَ گوں سیادی داروکیں بازیں نادراھی آناں چہ گر ءُ دار کنگ بیت۔ ڈاکٹر علی ءِ رد ءَ پیکڈ شیر ءِ دیمروئی ءِ دیم ءَ لس مھلوک ءِ ھیال ءُ لیکہ ھم رکاوٹ اَنت۔ آئی ءَ گوشت کہ مردم عمومی رنگ ءَ پچیں شیر ءَ دوست دار اَنت پرچا کہ جوش کنگ ءِ وھد ءَ آئی ءِ سر ءَ جھاگ جوڑ بیت کہ آ اے شیر ءَ تازگی ءِ نشانی لیک اَنت۔ پیکڈ یو ایچ ٹی دودھ ہموجینائزیشن ءِ سبب ءَ جھاگ جوڑ نہ کنت، پمیشکا لھتیں صارفین ءَ چائے یا دہی ءِ واستہ کم وش تام گندگ ءَ کیت۔ ماہرین ءُ صنعت ءِ مردمانی گشگ انت کہ پاسچرائزیشن پلانٹ آنی دائرہ کار ءَ را گیش کنگ، کولڈ چین ءِ نظام ءَ را مھکم کنگ ءُ پروسیسڈ شیر ءِ جان سلامتی ءِ فائدگ آنی بابت ءَ الس ءِ تہ ءَ سرپدی ءِ مہم ءِ چلائینگ المی انت تانکہ سرجمیں ملک ءَ ایمنیں شیر ءِ رسگ ءَ را دل یکیمی کنگ بہ بیت۔