پاکستانی اُرد ءَ دژمن ءِ زوراکی ءِ سر ءَ لائکیں پسو داتگ ، رانا ثنا اللہ

فیصل آباد ۔ 12 اکتوبر (اے پی پی): مزن وزیر ءِ سیاسی کارانی بابت ءَ مشیر سینیٹر رانا ثنا اللہ ءَ گشتگ کہ اے اُرش ءِ بندات ہمساہگیں ملک اوگانستان ءَ کتگ، ایشی ءِ سرا پاک فوج ءَ بہادر ءُ موثر کارروائی ءِ وسیلگ ءَ لائکیں پسو داتگ ءُ ناشرکارانی پناہ گاہ آنی نشانگ جوڑ کنگ ءَ دژمن ءِ بازیں پوسٹ تباہ کتگ۔ یک شمبے ءِ روچ ءَ پریس کانفرنس ءَ گوں گشتانک دیان ءَ آئی ءَ گوشت کہ بنوں ءُ ایندگر دمگ آنی تہ ءَ ناشرکار آنی پناہ گاہ ھمساھگیں ملک ءَ چہ کار کنگ ءَ انت۔ اے درگت ءَ سیادی داروکیں ملک ءَ را ھم باز رند ءَ ھشدار دیگ بوتگ۔ آئی ءَ گوشت کہ پاکستانی اُرد ملک ءِ ایمنی ءِ واستہ سرجمیں رنگ ءَ تیار انت ءُ ایشاں لکیگیں دژمن ءِ ھلاپ ءَ کارروائی کتگ ءُ آئی ءَ را مزنیں تاوان داتگ۔ آئی ئَ فیلڈ مارشل عاصم منیر ئِ دلیری ئِ سروکی ئَ را شگر ءُ منت ئِ درشان کت ءُ گوشت کہ پاک فوج ئِ وھد ئِ سر ئَ جوانیں کارروائی ئَ سرجمیں راج ئِ سر فخر بوت۔ اے کارروائی ءَ پد سرجمیں راج اللہ تعالیٰ ءِ شگر ءُ منت ءَ گرگ ءَ اِنت ءُ پاکستانی اُرد ءَ را ھم باج بُرگ ءَ اِنت۔ رانا ثناء اللہ ءَ سیاسی گل ءُ آہانی رہشوناں چہ اپیل کتگ کہ آ نندگ ءُ مزن وزیر ءِ پیشکش ءُ استحکام ءِ معاہدے ءِ سرا گپ ءُ تران بہ کن انت تانکہ ملک سیاسی ءُ معاشی رد ءَ مھکم بہ بیت پرچا کہ انوگیں جاور ھال ءَ اندری استحکام پیسر ءَ چہ گیش المی انت۔ آئی ءَ ھاسیں رنگ ءَ تحریک انصاف ءِ سروکی ءَ گوں تران کنان ءَ گوشت کہ اگاں سیاست کنگ لوٹ ایت گڈا سلاہ بندیں اُرد ءُ پاکستان ءِ گوما اوشتات بہ کن اَنت۔ آئی ءَ گوشت کہ ایشاں ھرچ وڑیں ایراد گرگ بہ بیت بلے راجی نپ ءِ واستہ پاکستانی فوج ءِ ھمراھی ءَ اوشتگ سیاسی گل آنی واستہ سک باز المی انت۔ آئی ءَ چہ مذہبی ءُ سیاسی گل ءُ روانک جنوکیں گل ءَ لوٹ کرتگ کہ آ وتی شھیداں گوں یکوئی ءَ زھرشانی ءَ ھلاس بہ کن اَنت یا مہتل بہ کن اَنت تانکہ راجی جیڑہ گیش ءُ گیوار بہ بنت۔ آئی ءَ گوشت کہ زھرشانی ءَ زوراکی ءِ راہ گپتگ پمیشکا ٹی ایل پی وتی مارچ ءَ زوت ھلاس بہ کنت۔ غزہ ءِ جیڈھ ءَ سفارتی کوشست آنی آسر ءَ جنگ بندی بوت ءُ وھدیکہ پاکستان ءِ گپ کیت گڈا درست پاکستان ءِ گوما اوشتات کن اَنت۔ آئی ءَ گوشت کہ سرجمیں راج غزہ ءَ پاکستان ءِ مزن وزیر ءِ کرد ءِ واستہ کمک ءِ درشان کنگ لوٹ ایت۔ پیسریگیں مذہبی رہشونانی مثال پیش کنان ءَ آئی ءَ گشتگ کہ مولانا خادم حسین رضوی ءَ ملک ءِ گیشیں مفاد ءِ ھاتر ءَ باز براں زھرشانی مہتل کتگ انت، ہمے روایتی روح ءِ درشان کنگ ءَ انت، انوگیں رہشون ہم وتی زھرشانی ءَ مہتل بہ کن انت۔ آئی ءَ گوشت کہ مزن وزیر ءَ لھتیں جاھاں زالبول آنی دزگیر کنگ ءِ سکیں نوٹس زرتگ ءُ آوانی زوت یلو کنگ ءِ پرمان داتگ۔ آئی ءَ گوشت کہ اے وھد ءَ سرجمیں دگنیا ءَ پاکستان ءِ جنگی ءُ سفارتی پالیسی آنی سر ءَ پھر انت، پمیشکا اے وھد ءَ پاکستان ءِ نپ ءَ انت کہ سیاسی سروکی یکجا بہ بیت تانکہ ملک ءِ اندری جیڈھ آنی سر ءَ دلگوش کنان ءَ معیشت ءَ را برجم کنگ بہ بیت۔ آئی ءَ اے گپ ءِ پدرائی کت کہ پاکستان وتی سرزمین ءَ را پاکستان ءِ ھلاپ ءَ ناشرکاری یا زوراکی ءِ واستہ کس ءَ را کارمرد کنگ ءِ موہ نہ دنت ءُ اے رد ءَ ملک ءِ سلاہ بندیں اُرد مدام تیار اَنت۔