اوگان اُرد ءِ نیمگ ءَ چہ سرحدی دمگاں بے سوبیں تیرگواری ءُ اُرش سنگینیں آشوب انت، اسحاق ڈار

اسلام آباد۔12اکتوبر (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ پاک اوگانستان ءِ سیمسر ءِ سر ءَ گوستگیں وھد ءَ بوتگیں جاور ھال جیڑگ ءِ سبب اَنت، سیمسر ءِ دمگ آنی تہ ءَ اوگان اُرد آنی نیمگ ءَ بے سوبیں تیرگواری ءُ اُرش یک مزنیں اشتعال انگیزی یے ۔ یک شمبے ءِ روچ ءَ سوشل میڈیا پلیٹ فارم ’’ایکس‘‘ ءِ سر ءَ وتی پوسٹ ءِ تہ ءَ سینیٹر اسحاق ڈار ءَ گوشت کہ پاکستان ءِ موزوں جوابی اُرش ءُ آپریشن طالبان ءِ ڈھانچہ ءَ را نشانگ جوڑ کنگ ءُ اوگان سرزمین ءَ چہ کار کنوکیں فتنہ الخریج ءُ فتنہ ہندستان نامیں ناشرکاریں عناصر ءَ را بے اثر کنگ اِنت۔ آئی ءَ اے گپ ءِ پدر کنگ ءَ گوشت کہ مئے دفاعی آپریشن امن دوستیں اوگان شہری آبادی ءِ ھلاپ ءَ نہ اَنت، طالبان ءِ اُرد آنی برخلاف ما شہری جانی جان ءِ تاوان ءَ چہ بچگ ءِ واستہ سک باز احتیاط کتگ۔ اسحاق ڈار ءَ اے اُمیت ءِ درشانی کتگ کہ طالبان حکومت ناشرکاریں عناصر ءُ آہانی آسراتی ءِ ھلاپ ءَ ٹھوس گامگیج چست کنت کہ آ پاک اوگانستان ءِ سیادی ءَ را ھراب کنگ لوٹ اَنت۔ آئی ءَ گوشت کہ پاکستان وتی حاکمی، سرزمین ءُ الس ءِ رکھینگ ءِ واستہ ھمک رنگ ءِ گامگیج چست کنت ۔