خیبر پختونخوا ءِ گورنر فیصل کریم کندی ءَ اوگان اُرد ءِ نیمگ ءَ بے سوبیں تیرگواری ءِ مذمت

اسلام آباد۔12اکتوبر (اے پی پی):خیبر پختونخوا ءِ گورنر فیصل کریم کندی ءَ اوگان اُرد ءِ بے سوبیں تیرگواری ءِ سک باز مذمت کتگ ءُ گشتگ کہ اے پاکستان ءِ حاکمیت ءِ پدریں لگتمالی ءُ دمگ ءِ برجائی ءِ ھاترا ھترہ اِنت۔ اے وڑیں کار بے گناہیں زندمان ءِ ھاترا ھترہ ءِ دیم ءَ کار اَنت ءُ ھمساھگی ءِ سیادی ءِ تب ءَ نزور کن اَنت۔ یک شمبے ءِ روچ ءَ ایکس ءِ سر ءَ وتی پوسٹ ءَ گورنر ءَ گوشت کہ مئے سلاہ بندیں اُرد ءَ مدام ذمہ واری، تحمل ءُ جزم ءِ گوما زور ءِ درشان کتگ ءُ آ ایشی ءِ دفاع ءِ واستہ ھمت، پیشہ وارانہ ءُ مھکمیں رنگ ءَ ھر انچ ءِ رکھینگ ءَ برجاہ دار اَنت۔ اے نازرکیں موہ ءَ ما سیاسی اختلافات ءَ چہ بُرز بہ بئیں ءُ وتی سیکورٹی ادارگاں گوں یکجاہ بہ بئیں۔ آئی ءَ گوشت کہ خیبر پختونخوا ءِ الس وتی بہادریں قوت آنی گوما مھکم اوشتاتگ ءُ سرجمیں کمک ءِ واھند انت، پاکستان ابد زندگ بات۔