اوگانستان ءَ پاکستان ءِ سر ءَ اُرش ھما وھد ءَ کتگ کہ اوگانستان ءِ درئی کارانی وزیر ھندوستان ءِ تر ءُ تاب ءَ اِنت ءُ پاکستان ءِ ھلاپ ءَ بیان آناں یکجائی جار ءِ رنگ دیگ بوھگ ءَ اِنت، عطا اللہ تارڑ

اسلام آباد۔12اکتوبر (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءَ گوشت کہ درئی کارانی کارگس ءَ اوگانستان ءُ بھارت ءِ یکجائی جار ءِ سر ءَ ھاسیں ءُ دوٹوکیں موقف داتگ۔ یک شمبے ءِ روچ ءَ سوشل نیٹ ورکنگ پلیٹ فارم ’’ایکس‘‘ ءِ سر ءَ وتی پوسٹ ءِ تہ ءَ آئی ءَ گوشت کہ اے دلگوش کرزیں گپ اِنت کہ اوگانستان ءَ پاکستان ءِ سر ءَ ھما وھد ءَ اُرش کتگ کہ اوگانستان ءِ دری کارانی وزیر ھندوستان ءِ تر ءُ تاب ءَ اِنت ءُ اودا پاکستان ءِ ھلاپ ءَ بیان آناں یکجائی جار ءِ رنگ دیگ بوھگ ءَ اِنت۔ اے کار افسوس ءُ مذمت ءِ لائک اِنت۔