پاکستان ءِ دفاع ءِ سر ءَ ھچ وڑیں سمجھوتہ نہ بیت، ھرچ آشوب ءَ را سرجمیں ءُ موثریں پسو دیگ بیت، مزن وزیر شہباز شریف

لاہور ۔12اکتوبر (اے پی پی): مزن وزیر محمد شہباز شریف ءَ اودا اوگانستان ءِ نیمگ ءَ پاکستان ءِ سیمسر ءِ دمگاں آشوب ءِ سک باز مذمت کتگ ءُ پاکستان ءَ را سرجمیں رد ءُ بند داتگ۔ پاکستان ءِ دفاع ءِ سرا ہچ وڑیں سمجھوتہ مہ بیت، ہر اشتعال انگیزی ءَ را سرجمیں ءُ موثریں پسو دیگ بیت۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ پاک فوج ءِ پیشہ وارانہ لیکہ ءِ توسیپ کتگ ءُ گوشت کہ فیلڈ مارشل سید عاصم منیر ءِ نہ ترسیں سروکی ءَ پاک فوج ءَ نہ ایوک ءَ اوگانستان ءِ آشوب ءِ سر ءَ سرجمیں ءُ موثر پسو داتگ بلکیں آھاں وتی پوسٹ سیوریٹ ءِ رد ءَ رد کنگ ءِ سر ءَ ھم مجبور کتگ۔ مزن وزیر ءَ گوشت کہ پاکستان ءِ دفاع ءِ ھوالگ ءَ ھچ وڑیں سمجھوتہ نہ بیت ءُ ھمک آشوب ءِ سرجمیں ءُ جوانیں پسو دیئگ بیت۔ آئی ءَ گوشت کہ مئے دفاع مھکمیں دست آنی تہ ءَ اِنت ءُ ما ملک ءِ سرزمین ءِ دفاع ءَ را سک شری ءَ زانیں۔ پاک فوج ءَ ہر وڑیں درائیں زوراکی آنی سر ءَ مدام لائکیں پسو داتگ۔ مزن وزیر ئَ گوشت کہ سرجمیں راج پاکستان ئِ ایمنی ئِ ٹولی ئِ گوما ھمگام ئَ اوشتاتگ اَنت۔ پاکستان ءَ باز رند ءَ اوگانستان ءَ را فتن خوارج ءُ فتن الہندوستان ءِ وڑیں ناشرکاریں عناصر ءِ بابت ءَ سرپدی داتگ کہ آ اوگانستان ءِ سرڈگار ءَ چہ پاکستان ءِ ھلاپ ءَ آپریشن کنگ ءَ اَنت۔ ناشرکاریں گلانی کمک ءَ اوگانستان ءَ ھستیں عناصر کن اَنت۔ مزن وزیر ءَ گوشت کہ پاکستان ءَ چہ اوگانستان ءِ عبوری حکومت ءَ امیت انت کہ آ اے گپ ءَ دل یکیمی بہ کنت کہ آئی ءِ سرزمین ءَ را پاکستان ءِ ھلاپ ءَ ناشرکاریں عناصر کارمرد مہ کن انت۔